យោងតាមប្រធានក្លឹបលោក Florentino Perez បានឱ្យដឹងថា CRISTIANO RONALDO បានចាកចេញពីក្លិប Real Madrid សម្រាប់ក្រុម Juventus នៅរដូវក្តៅនេះដោយសារគ្មាននរណាដេញថ្លៃខ្ពស់ជាង Juventus ។
Cristiano Ronaldo បានលេងជាមួយក្លិបអធិរាជស រយៈពេល ៩ ឆ្នាំ ហើយក៏បានស្វែងរកដំណោះស្រាយថ្មីមួយទៀត ចាកចេញពីរដ្ឋធានីអេស្ប៉ាញ ដោយបានចូលរួមប្រកបអាជីពជាមួយ Juventus ។
បន្ទាប់ពីឈ្នះពាន Champions League លើកទី៣ កាលពីខែឧសភា កីឡាករព័រទុហ្កាលនេះ បានស្ថិតក្នុងការសង្ស័យ ដោយចាកចេញពីក្លិប Real ទៅកាន់ក្លិបផ្សេង ដោយក្នុងនោះមានក្លិប Juventus, Manchester United និង Paris Saint-Germain បានស្វះស្វែងព្យាយាមចុះហត្ថលេខា ។ ជាលទ្ធផល បានចុះហត្ថលេខាជាមួយ Juventus ក្នុងតម្លៃ ១១២លានផោន។
Perez បានថ្លែងថា ការលក់ដ៏ថ្លៃជាងគេនៅឆ្នាំនេះគឺ Ronaldo ហើយយើងជឿជាក់ថារឿងដ៏ល្អបំផុតគឺរឿងនេះ ដែលកើតមានឡើងប្រាកដ ដោយឈានដល់កិច្ចព្រមព្រៀង។ ហើយសម្រាប់នៅ Madrid គ្មាននរណាផ្តល់ឲ្យជាង ១០០ លាននោះទេ ហើយក្លិបផ្សេងទៀតក៏មិនបានដាក់សំណើរ ច្រើនជាងហ្នឹងដែរ ៕
