អំឡុងពេលជាកីឡាកររបស់ Real Madrid កីឡាករ Ronaldo តែងតែប្រើប្រាស់ហិង្សាទៅលើគូប្រជែង ប៉ុន្តែសកម្មភាពនោះ អាជ្ញាកណ្តាល តែងតែឃើញ តែមិនទទួលបានកាតក្រហម។
១.លេងជាមួយក្លិប Las Palmas
កីឡាករ David Simon ជាអ្នកទី១ ដែលកីឡាករ Ronaldo បានទាត់ពីក្រោយ អំឡុងពេលប្រកួតនៅថ្ងៃទី៣១ ខែតុលា ឆ្នាំ២០១៥ ពេលដែល David Simon រត់មកកៀកស្រាប់តែកីឡាករ ព័រទុហ្កាល យកជើងឆ្វេងទាត់ពីក្រោយ។
២. លេងជាមួយ Sevilla
នៅថ្ងៃទី៨ ខែវិច្ឆិកាឆ្នាំ២០១៥ ពេលដែល Real បានចាញ់ក្លិប Sevilla នៅក្រៅទឹកដីនោះ ហើយខ្សែបម្រើ Krychowiak រូបនេះ បានព្យាយាម ទប់ស្កាត់ Ronaldo ដោយធ្វើការស្លាយបាល់ចេញ តែក៏ប៉ះទង្គិចជាមួយ Ronaldo ។
៣.ប្រើកែងទៅលើកីឡាករ Dani Alves
នៅថ្ងៃទី២១ ខែវិច្ឆិកា ឆ្នាំ២០១៥ ពេលដែល Real Madrid បានជួបក្លិប Barcelona ហើយពេលនោះម្ចាស់ផ្ទះ Real បានចាញ់ 4-0 ដោយពេលនោះ កីឡាករ Dani Alves ក៏ទទួលបានមួយកែងពីសំណាក់កីឡាករឆ្នើមព័រទុហ្កាល តែអាជ្ញាកណ្តាលត្រឹមពិន័យកាតលឿង។
៤.បញ្ហាជាមួយកីឡាករក្លិប Gijon
នៅពេលដែល យកឈ្នះក្លិប Gijon ក្នុងលទ្ធផល 5-1 កាលពីថ្ងៃទី១៧ ខែមករា ឆ្នាំ២០១៦ ពេលនោះ Nacho Cases បានព្យាយាមទប់ស្កាត់ Ronaldo មិនឲ្យ Ronaldo បណ្តើរបាល់អូសទៅស៊ុតកើតនោះ ក៏ស្រាប់តែកីឡាករ Real រូបនេះបានទាត់ពីក្រោយ ។ អាជ្ញាកណ្តលផ្លំកញ្ចែរ ពិន័យ ប៉ុន្តែជាសំណាងមិនទទួលបានកាតក្រហម។
៥.ជាមួយ Real Betis
ក្រោយមួយសប្តាហ៍ពីការលេងជាមួយ Gijon ពេលនោះ Ronaldo បានផ្តួល ទៅលើកីឡាករ Molinero ឲ្យដេកដួលើទីលាន រួចក៏ឆ្លៀតជាន់កំភួនជើង ។អាជ្ញាកណ្តាល Martinez Munuera មិនបានធ្វើអ្វីទៅលើ Ronaldo ហើយក៏មានការលើកឡើងថា សមនឹងទទួលបានកាតក្រហម ។
៦.វាយកីឡាករ Levante
អំឡុងពេលលេងជាមួយក្លិប Levante កីឡាករ Ronaldo ក៏បានចាប់បោចសក់ និងវាយទៅលើ Lucas Orban នៅផ្នែកត្រង់ក្បាល តែអាជ្ញាកណ្តាល De Burgos Bengoetxea មើលមិនឃើញ ដោយបណ្តោយឲ្យ Ronaldo លេងក្នុងស្ថានភាពបែបនេះ។
៧.ជាមួយកីឡាករក្លិប Dortmund
នៅខែធ្នូ ឆ្នាំ២០១៦ ក្លិប Real បានជួប Dortmund ក្នុងវគ្គជម្រុះតាមគ្រុប Champions League ហើយ Ronaldo ក៏បានប្រើជើង ទាត់ទៅលើកីឡាករ ខ្សែការពារ Marcel Schmelzer តែមិនទទួលបានកាតក្រហម។
៨.វាយខ្នងកីឡាករក្លប Atletico Madrid
ខែមករា ឆ្នាំ២០១៦ ជាការប្រកួតដ៏ធំ រវាង Real Madrid និង At ដោយពេលនោះ Ronaldo រកបានគ្រាប់បាល់ ហែកទ្រីក តែអ្វីដែលគួរឲ្យចាប់ អារម្មណ៍ Ronaldo បានប្រើប្រាស់កាយវិការមិនសមដោយវាយទៅខ្នងកីឡាករ Koke ។
៩.បោះបាល់ដាក់កីឡាករ Sevilla
នៅទីនេះមិនបានវាយនោះទេ ប៉ុន្តែគាត់បានបោះបាល់អំឡុងពេលដែល Vitolo (Sevilla) បានដើរបែរខ្នងចេញ ដោយហេតុការណ៍នេះ បានកើតឡើង ពេលដែល Real ជួប Sevilla កាលពីខែមករា ឆ្នាំ២០១៧ ។ទោះបីជាស្ថានភាពបែបនេះក្តី ប៉ុន្តែអាជ្ញាកណ្តាល មិនបានផ្តល់កាតក្រហម ដល់ Ronaldo ឡើយ។
១០.តោងវាយមុខកីឡាករ Sevilla
វាយមុខកីឡាករ Clement Lenglet របស់ Sevilla ប៉ុន្តែមិនទទួលបានការពិន័យ ។
១១.ទាត់កីឡាករគូប្រជែងនៅ World Cup 2018
នៅក្នុងការប្រកួតជម្រុះ World Cup ឆ្នាំ 2018 បានមានបញ្ហាជាមួយកីឡាករ Fiola របស់ហុងគ្រី ដោយ Ronaldo បានទាត់ពីក្រោយ ដោយប្រឈមមុខដាក់គ្នា តែអ្នកទាំងពីរត្រឹមតែទទួលបានកាតលឿង ម្នាក់មួយ ។
១២.ដើរជាន់ជើងកីឡាករក្លិប Real Betis លេង
ពេលប្រកួតជាមួយ Real Betis នាថ្ងៃទី២០ ខែកញ្ញា ឆ្នាំ២០១៧ នៃពាន Spanish Super Cup ដោយពេលនោះ Ronaldo បានដើរជាន់ជើង Aissa Mandi យ៉ាងរំភើយ តែគ្មានបញ្ហា។
១៣.ទាត់កីឡាកររបស់ Tottenham
កាលពីខែតុលា ឆ្នាំទៅ ក្នុងការប្រកួតដណ្តើមពាន Champions League ដោយពេលនោះ Tottenham បានជួប Real ក្នុងវគ្គជម្រុះតាបគ្រុប ដោយ Ronaldo ក៏បានប្រើហិង្សាទៅលើកីឡាករ Vertonghen ហើយពេលនោះ កីឡាកររបស់បែលហ្សិករូបនេះ បានប្រឈមការតានតឹង ជាមួយគ្នា ។ តែអាជ្ញាកណ្តាលបានត្រឹមតែផ្តល់កាតលឿងដល់ Ronaldo ។
១៤.ទះមុខកីឡាកររបស់ក្លិប Girona
ក៏ដូចជាខែតុលា ឆ្នាំទៅផងដែរ នៅពេលដែលលត់ក្លិប Girona នៅក្នុងក្របខណ្ឌ La Liga កីឡាករ Ronaldo បានប្រើដៃទះមុខកីឡាករ Pere Pons ឲ្យដេកដួលលើទីលាន ។ អាកប្បកិរិយាអាក្រក់នេះ អាជ្ញាកណ្តាលមិនបានផ្តល់កាតក្រហមឲ្យទេ ដោយគេចចេញពីភ្នែក មើលមិនឃើញ។
១៥.ជម្លោះជាមួយ កីឡាករក្លិប Valencia
វាជាការពិតណាស់ កីឡាករក្លិប Valencia គឺមិនចូលចិត្តកីឡាករ Ronaldo នោះទេហើយពួកគេហាក់ដូចជាមានបំណងចង់សងសឹក លើកីឡាករ វ័យ៣៣ ឆ្នាំរូបនេះ ។ វិលទៅកាន់ថ្ងៃទី២៧ ខែមករា ឆ្នាំនេះ Ronaldo នៅតែពាក់អាវ Real ដោយបានវាយមុខកីឡាករ Montoya របស់ Valencia ស្ថិតក្នុងតំបន់ពិន័យ ។
១៦.បង្អាកសកម្មភាពអ្នកលេង ក្លិប Valencia
នៅក្នុងការប្រកួតខាងលើដូចគ្នា Ronaldo ក៏បានប៉ះទង្គិចជាមួយកីឡាករ Dani Parejo ដោយមិនអាចបណ្តើរបាល់ស៊ុតបញ្ចូលទីបាន ដោយរាំងខ្ទប់ពីកីឡាករ Dani Parejo តែអ្វីកត់សម្គាល់នោះ Ronaldo នៅតែបន្តប្រើប្រាស់សកម្មភាព មិនប្រក្រតី ដោយប្រើជើងឆ្វេង បង្អាកដំណើរ គូប្រជែងអំឡុងពេលដែលខ្លួនអង្គុយ នោះ។
១៧.វាយមុខកីឡាករ អ៊ីរ៉ង់
Ronaldo បានជួយឲ្យប្រទេសខ្លួនត្រឹមតែស្មើជាមួយ អ៊ីរ៉ង 1-1 ក្នុងការប្រកួត World Cup 2018 ប៉ុន្តែពេលនោះ Ronaldo បានវាយទៅលើមុខ Morteza Pourliganji បន្ទាប់ពីពេល វីដេអូ តាមរយៈអាជ្ញាកណ្តាលអេឡិចត្រូនិក VAR មក ក៏ទទួលបានកាតលឿង តែមិនមែនកាតក្រហម។
១៨.ទាត់កីឡាករ Dani Alves
គ្រោះថ្នាក់បានកើតឡើងចំពោះអតីតកីឡាករខ្សែការពារ Barca ដោយពេលនោះគឺប្រកួតជុំទី៨ នៃពាន Champions League រវាង Real Madrid និង PSG ពេលនោះ Ronaldo បានទាត់ពីក្រោយ តែមិនទទួលបានការពិន័យ៕
