លទ្ធផលបញ្ចប់ Cristiano Ronaldo បានបើកកុងគ្រាប់បាល់ដំបូងរបស់ខ្លួនចំនួន ២គ្រាប់កាលពីរាត្រីយប់មិញ សម្រាប់ក្រុម Juventus បន្ទាប់ពីអាកខានរកគ្រាប់បាល់ ៣ប្រកួតកន្លងទៅ ។
អំឡុងពេលទទួលភ្ញៀវ Sassuoloកីឡាករ Ronaldo រកគ្រាប់បាល់នៅនាទី ៥០ និង៦៥ ដែលជួយឲ្យក្រុមឈ្នះក្នុងលទ្ធផល 2-1 ។
ជាមួយគ្រាប់បាល់ចំនួន ២ នេះ Ronaldo បានធ្វើឲ្យគេកត់ត្រាទុកនូវចំណុចសំខាន់ៗ និងអស្ចារ្យមួយចំនួន ៖
#4 គាត់ជាកីឡាករដែលរកគ្រាប់បាល់បានច្រើន និងជាកីឡាករសកម្ម
គ្រប់គ្នាច្បាស់ជាបានដឹងហើយថា Cristiano Ronaldo ជាកីឡាករសកម្ម ឬកីឡាករម៉ាស៊ីនដែលតែងតែរកគ្រាប់បាល់បាន ប៉ុន្តែអ្វីដែលភ្ញាក់ផ្អើល នោះគឺថា ទោះគាត់មានអាយុ ៣៣ ឆ្នាំក៏ដោយ តែនៅបន្តប្រឆាំងនឹងហាងឆេងអាយុ។
ថ្ងៃអាទិត្យម្សិលមិញនេះ គាត់នៅតែរកគ្រាប់បាល់បាន ២គ្រាប់យ៉ាងល្អ យកឈ្នះក្រុម Sassuolo ដែលពីរគ្រាប់នេះបានពង្រីកកំណត់ត្រារបស់គាត់ ក្នុងចំណោមកីឡាករសកម្មៗដែលរកគ្រាប់បាល់។ សរុបគ្រាប់បាល់ទាំងអស់ Ronaldo បានស៊ុតបញ្ចូលទី ៦៦០ គ្រាប់ទាំងក្លិបអាជីព និងតំណាងប្រទេស ។ ចំណែក Messi ស្ថិតនៅចំណាត់ថ្នាក់ទី២ ដោយមានគ្រាប់បាល់ស៊ុតបញ្ចូលទីទាំងអស់ ៦២១ ហើយកីឡាករ ដែលស្ថិតនៅចំណាត់ថ្នាក់ទីបី គឺ Zlatan Ibrahimovic ដែលស៊ុតបញ្ចូលទី ៥០០ គ្រាប់នៅក្នុងអាជីព ។
![](http://cdn.obnasia.com/2018/09/Ronalod-4.jpg)
#3 Ronaldo រកគ្រាប់បាល់ទី ៤០០ នៅក្នុងលីគ
កីឡាករវ័យ 33 ឆ្នាំរូបនេះបានក្លាយជាកីឡាកររកគ្រាប់បាល់បានច្រើនជាងគេនៅក្នុងការប្រជែងដណ្តើមពានអឺរ៉ុបអស់រយៈពេល 6 ឆ្នាំជាប់ ៗ គ្នា។ ប៉ុន្តែអ្វីដែលគួរឲ្យភ្ញាក់ផ្អើលដែរ នារាត្រីយប់មិញ ដោយបាល់ពីរគ្រាប់នោះ បានក្លាយជាគ្រាប់បាល់ទី ៤០០ សម្រាប់ Ronaldo ដែលរកបាន ក្នុងលីគទាំងអស់ ក្នុងចំណោមការប្រកួតទាំង ៥១៧ លើក ។
![](http://cdn.obnasia.com/2018/09/Ronaldo-3.jpg)
#2 បើកកុងធនាគារគ្រាប់បាល់ ដំបូងជូន Juventus បញ្ចប់លទ្ធផលអាក្រក់ស៊ុត ២៧ជើង
នៅពេល CR7 មកដល់ទឹកដីអ៊ីតាលី អ្នកគាំទ្រសង្ឈឹមយ៉ាងមុតមាំថា កីឡាកររូបនេះ នឹងស្វែងរកគ្រាប់បាល់ បានប៉ុន្តែក្នុងចំណោម ៣ប្រកួត កន្លងទៅនោះ បែរជាជាប់ជាកីឡាករអាក្រក់បំផុត ដែលស៊ុតដល់ ២៣ ជើងតែមិនចូល ។ សម្រាប់ការប្រកួតជើងទី៤ នេះ Ronaldo បានបន្ថែម ៤ជើងទៀត បូកសរុប ២៧ ជើង ប៉ុន្តែធ្វើបានសម្រេច ២ជើង ដោយស៊ុតបញ្ចូលទី ដែលបានន័យថាគឺបញ្ចប់លទ្ធផលអាក្រក់ក្នុងការស៊ុត រកគ្រាប់បាល់មិនបាន និងជាកំណត់ត្រាបើកកុងធានាគារគ្រាប់បាល់ជូន Juventus ផងដែរ។
![](http://cdn.obnasia.com/2018/09/Ronaldo-2.jpg)
#1 ជាប់ចំណាត់ថ្នាក់ទី៥ ជាកីឡាករដែលរកគ្រាប់បាល់បាន ៤០០ គ្រាប់
Ronaldo មានគ្រាប់បាល់ទី៤០០ របស់ខ្លួន ដែលបូកសរុបក្នុងលីគទាំងអស់ តែមិនមែនជាកីឡាករលេខ១នោះទេ គឺគាត់ជាប់ចំណាត់ថ្នាក់ទី ៥ ។ អតីតកីឡាកររបស់ បិសាចក្រហមរូបនេះនឹងបន្តបង្ហាញទៀតថា គាត់នៅមានអ្វីជាច្រើនទៀត ជាពិសេសការរកគ្រាប់បាល់ ទោះបីជាអាយុ ៣៣ ឆ្នាំ តែវាគ្រាន់តែជាតួរលេខ ។ Ronaldo អាចនឹងឈានដល់ដល់ចំណុចកំពូល មុននឹងគាត់ព្យួរទ្រនាប់ជើងចោល៕
![](http://cdn.obnasia.com/2018/09/Ronaldo1-1.jpg)