ការព្យាយាមស៊ុត ២៣ ជើងរបស់ Ronaldo ដែលមិនអាចរកគ្រាប់បាល់ បានជូន Juventus គឺជារឿងដ៏អាក្រក់បំផុត នៅក្នុងពិភពបាល់ទាត់ពិភពលោក ។
កីឡាករព័រទុហ្កាលរូបនេះ មិនបានរកគ្រាប់បាល់បាននោះទេ ក្នុង ៣ ប្រកួត ជាមួយJuventus នារដូវកាលថ្មីនេះ បើទោះបីជាគាត់បានអះអាងថា អាចនឹងរកគ្រាប់បាល់បានជូនក្លិប នៅក្នុងការប្រកួតជាមួយ Sassuolo ។
អតីតកីឡាករ Real Madrid បានធ្វើឲ្យពិភពលោកភ្ញាក់ផ្អើល យ៉ាងខ្លាំង នៅរដូវកាលនេះ ដែលរូបគេបានផ្លាស់ទៅកាន់ Juventus ក្នុងតម្លៃ ៩៩ លានផោន ដែលជាតម្លៃថ្លៃបំផុត ក្នុងចំណោមកីឡាករដែលមានវ័យ៣០ផ្លាយដូចលោក។
ការប្រកួតបើកឆាកសំខាន់របស់ក្លិប Juventus បានធ្វើឲ្យអ្នកគាំទ្រកីឡាកររូបនេះ មានការភ្ញាក់ផ្អើល ដោយលោកបានព្យាយាម ស៊ុតចំនួន ២៣ ជើង ក៏ប៉ុន្តែបែរជាធ្វើមិនបានសម្រេច ក្នុងចំណោមការប្រកួតដ៏លំបាកទាំងនោះ។
ការព្យាយាម ២៣ លើក ដែលរកគ្រាប់បាល់មិនបាននេះ វាបានក្លាយជារឿងអាក្រក់បំផុតក្នុងបាល់អឺរ៉ុបដោយ Ronaldo ជាប់ចំណាត់ថ្នាក់លេខ ១ លេខ ២ ធ្លាក់ទៅកាន់ កីឡាករ Valentin Rongier បម្រើរបស់ Nantes លីគបារាំង ដោយស៊ុត ១៥ ជើង តែគ្មានគ្រាប់បាល់។
៣.Christian Benteke ប្រយុទ្ធ Crystal Palace ស៊ុត១៣ ជើងមិនអាចរកគ្រាប់បាល់បាន។
៤. Andy Delort កីឡាករ ប្រយុទ្ធ Toulouse ស៊ុត ១២ ជើងរកគ្រាប់បាល់មិនបាន។
៥.Nabil Fekir កីឡាករ Lyon ស៊ុត១១ជើង តែរកគ្រាប់បាល់មិនបាន។
អាចនិយាយថា កីឡាករវ័យ ៣៣ ឆ្នាំរូបនេះ ស្ថិតក្នុងស្ថានភាពស៊យ សូម្បីតែកីឡាករឆ្នើមប្រចាំឆ្នាំដែលផ្តល់ឲ្យ UEFA ក៏ធ្លាក់ទៅដល់ដៃ អតីតមិត្តរួមក្រុម Luka Modric ផងដែរ ៕
