Gerard Pique ដែលធ្លាប់បានឈ្នះពាន នៅ Premier League និង Champions League អំឡុងពេលលេងនៅបិសាចក្រហមនោះ បានបង្ហាញគោលគំនិតខ្លួនថា គាត់នឹងសប្បាយចិត្ត ប្រសិនបើ អ្នកគ្រប់គ្រង ក្លិប Barcelona នាំយកកីឡាករ Paul Pogba មកកាន់ទឹកដី អេស្ប៉ាញ មុនទីផ្សារទិញដូរកីឡាករនៅអឺរ៉ុប ត្រូវបានបិទ នៅថ្ងៃទី៣១ ខែសីហា ។
Pique បានប្រាប់អ្នកកាសែតថា យើងនឹងឃើញពីអនាគតកាល ប៉ុន្តែយើងនឹងសប្បាយរីករាយ ប្រសិនបើឃើញ Pogba ពាក់អាវរបស់ Barcelona ។
Paul Pogba ត្រូវបានសារព័ត៌មានចុះផ្សាយព្រោងព្រាតថា ទំនាក់ទំនងជាមួយគ្រូបង្វឹកមានបញ្ហា ហើយគាត់មិនសប្បាយចិត្តនោះទេ លេងនៅ Old Traford ហើយក៏កំពុងមានទំនាក់ទំនងផ្លាស់ទៅកាន់ ក្លិបអ្នកមានបុណ្យ Barcelona នៅរដូវកាលនេះ ។ ក្លិបយក្សអេស្ប៉ាញនេះ នៅតែមានបំណងចង់បានកីឡាករខ្សែបម្រើមួយទៀត ក្រោយការចាកចេញរបស់ Andres Iniesta និង Paulinho បើទោះបីជា ខ្សែបម្រើពីររូប Arthur និង Arturo Vidal មកដល់ក្តី ។
លោក Pique ត្រូវបានគេដកស្រង់សម្តីនៅក្នុងកាសែតកីឡាអេស្បាញកាលពីពេលសួរអំពីការផ្ទេរ Pogba ថា: «ខ្ញុំមិនដឹងពីទំនាក់ទំនងរបស់គេជាមួយនឹងលោក Mourinho ឡើយ។Pogba គឺជាកីឡាករដ៏ល្អម្នាក់ប៉ុន្តែជាកីឡាកររបស់ក្រុម Manchester United នាពេលបច្ចុប្បន្នហើយយើងនឹងមើលថាតើមានអ្វីកើតឡើងនាពេលអនាគត។ យើងនឹងសប្បាយចិត្តដែលមានគាត់នៅទីនេះប៉ុន្តែក្រុម Manchester United គឺជាក្លឹបរបស់គាត់៕
