អតីតខ្សែបម្រើជម្រើសជាតិអង់គ្លេស Chelsea និង Manchester City លោក Sean Wright-Phillips បានបញ្ចេញមត្តិលើការតស៊ូរបស់ Liverpool នៅរដូវកាលនេះ ដោយអះអាងថា វាជាកំហុសក្នុងការអនុញ្ញាតឱ្យ Luis Diaz ចាកចេញទៅ Bayern Munich ដោយគ្មានអ្នកជំនួស។
កីឡាករសញ្ជាតិកូឡុំប៊ីរូបនេះបានបញ្ចប់ការផ្ទេរក្នុងតម្លៃ 65.5 លានផោន ទៅកាន់ក្លឹបយក្ស Bavarian នៅរដូវក្តៅ ដោយក្រុមហង្សក្រហមទិញបានខ្សែប្រយុទ្ធកណ្តាលចំនួនពីរនាក់គឺ Hugo Ekitike និង Alexander Isak៕
