កីឡាករ Jackson បានបញ្ចប់ការផ្ទេរខ្ចីជើងរបស់គាត់ទៅកាន់ក្លឹប Bayern ក្នុងថ្ងៃចុងក្រោយនៃទីផ្សារដោះដូរកីឡាករ បន្ទាប់ពីមានការចរចាដ៏ស្មុគស្មាញមួយ ដោយនៅដំណាក់កាលមួយក្លឹប Chelsea ហាក់ដូចជាមានបំណងរារាំងការផ្លាស់ប្តូរនេះ ដោយសារតែរបួសរបស់កីឡាករ Liam Delap។
ទីបំផុត កិច្ចព្រមព្រៀងខ្ចីជើងរបស់កីឡាករវ័យ ២៤ ឆ្នាំរូបនេះ មានតម្លៃ ១៣ លានផោន (១៥ លានអឺរ៉ូ/១៧.៥ លានដុល្លារ) ហើយក៏មានកាតព្វកិច្ចទិញផ្ដាច់ក្នុងតម្លៃ ៥៦.២ លានផោន (៦៥ លានអឺរ៉ូ/៧៦ លានដុល្លារ) ដែលអាចធ្វើឱ្យក្លឹបតោខៀវទទួលបានទឹកប្រាក់សរុបជិត ៧០ លានផោន (៩៤ លានដុល្លារ)។ Jackson ឥឡូវនេះនឹងបានលេងជាមួយប្រធានក្រុមជម្រើសជាតិអង់គ្លេស Kane នៅក្លឹប Bayern បន្ទាប់ពីគេបានរាយការណ៍ថា បានលះបង់ប្រាក់មួយផ្នែកដែលក្លឹបជំពាក់ ដើម្បីសម្រេចការផ្លាស់ប្តូរនេះ។
Jackson ត្រូវបានរុញច្រានចេញពីកីឡដ្ឋាន Stamford Bridge បន្ទាប់ពីក្លឹបបានចុះហត្ថលេខាលើខ្សែប្រយុទ្ធ Delap និង Joao Pedro នៅរដូវក្ដៅ៕
