កីឡាករ Antony ត្រូវបានដាក់ក្នុងបញ្ជី «កីឡាករត្រូវលក់ចេញ» របស់ក្លឹប Manchester United ហើយត្រួវបានដាក់អោយហ្វឹកហាត់ដោយឡែកពីក្រុមដំបូងក្នុងអំឡុងពេលការប្រកួតមុនបើករដូវកាល។
ខ្សែបម្រើស្លាបប្រេស៊ីលត្រូវបានក្លឹបប្រេស៊ីលពីរចាប់អារម្មណ៍គឺ Botafogo និង Sao Paulo ដែលបានផ្តល់ជម្រើសឱ្យគាត់ក្នុងការប្រកួតនៅក្រុមដំបូងរបស់ពួកគេ។
ទោះជាយ៉ាងណាក៏ដោយ បើយោងតាមការចេញផ្សាយរបស់ Antenados បានអោយដឹងថាតារាឆ្នើមសញ្ជាតិប្រេស៊ីល បានធ្វើការសម្រេចចិត្តយ៉ាងម៉ឺងម៉ាត់ ក្នុងការមិនត្រលប់ទៅស្រុកកំណើតរបស់គាត់វិញនៅរដូវក្តៅនេះ៕
