ខ្សែបម្រើស្លាប Rodrygo ត្រូវបានរំពឹងទុកជានិច្ចក្នុងរយៈពេលប៉ុន្មានខែកន្លងមកនេះ ដោយភ្ជាប់រូបគេជាមួយនឹងការចាកចេញនៅរដូវក្ដៅ។ ក្លឹបយក្សនៅ Premier League គឺ Arsenal និង Chelsea មានការចាប់អារម្មណ៍យ៉ាងខ្លាំងទៅលើកីឡាករវ័យ ២៤ឆ្នាំ។ ទោះបីជាយ៉ាងណាក៏ដោយ គាត់បានបង្ហោះរូបថតខ្លួនឯងក្នុងការហ្វឹកហាត់ក្រោមការដឹកនាំរបស់គ្រូបង្វឹកថ្មី Xabi Alonso ជាមួយនឹងចំណងជើងមួយពាក្យថា «រីករាយ» ។
ទោះបីជាមានរបាយការណ៍អះអាងថា Rodrygo កំពុងតែចង់ចាកចេញពី Madrid ហើយថាក្លឹបបានត្រៀមខ្លួនជាស្រេចក្នុងការប្រមូលប្រាក់ពីការលក់កីឡាកររូបនេះនៅរដូវក្តៅក៏ដោយ ក៏កីឡាករ Rodrygo បានរក្សាអាកប្បកិរិយាប្រកបដោយវិជ្ជាជីវៈ និងបានចូលរួមក្នុងវគ្គហ្វឹកហាត់ទាំងអស់របស់លោក Alonso នៅសប្តាហ៍នេះ។ តាមពិតទៅ ប្រព័ន្ធផ្សព្វផ្សាយរបស់អេស្ប៉ាញបានណែនាំថា កីឡាករចង់បន្តនៅក្លឹប និងប្រយុទ្ធដើម្បីជំនួសកន្លែងរបស់គាត់ក្រោមការដឹកនាំរបស់ Alonso ដែលគាត់នឹងរៀបចំការពិភាក្សាអំពីកន្លែងដែលគាត់សមនឹងផែនការរបស់អ្នកចាត់ការទូទៅ។
លោក Alonso បានបញ្ជាក់ថា Rodrygo ថាជាកីឡាករ «ដ៏អស្ចារ្យ» ក្នុងអំឡុងពេលសន្និសីទសារព័ត៌មានបង្ហាញខ្លួនរបស់គាត់កាលពីខែឧសភា ហើយគាត់បានបន្ថែមថាកីឡាករ Rodrygo គឺជាផ្នែកនៃផែនការរបស់គាត់។ ទោះបីជាយ៉ាងណាក៏ដោយ នោះមិនបានបញ្ឈប់ក្រុមផ្សេងទៀតពីការបន្តការផ្លាស់ប្តូរដ៏មានសក្តានុពលសម្រាប់កីឡាករសញ្ជាតិប្រេស៊ីលនៅរដូវក្តៅនេះទេ។ ជាពិសេស Arsenal និង Chelsea គឺជាក្រុមទាំងពីរដែលត្រូវបានទាក់ទងជាមួយ Rodrygo ច្រើនជាងគេក្នុងរយៈពេលប៉ុន្មានសប្តាហ៍កន្លងមកនេះ។ ប្រសិនបើគាត់ចាកចេញនៅរដូវក្តៅនេះក្រុមអធិរាជស នឹងទាមទារតម្លៃចន្លោះពី ៨០លានអឺរ៉ូ ទៅ ១០០លានអឺរ៉ូ ។
អតីតកីឡាកររបស់ក្លឹប Santos នឹងត្រូវរំពឹងថានឹងស្ថិតក្នុងចំណោមកីឡាករលេងនៅ Club World Cup ដែលចាប់ផ្តើមនៅថ្ងៃទី១៤ ខែមិថុនា។ ក្លឹប Madrid នឹងលេងការប្រកួតដំបូងរបស់ពួកគេនៅថ្ងៃទី១៨ ខែមិថុនាជាមួយ Al-Hilal ៕
