យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Manchester United បានកក់ពេលសម្រាប់ធ្វើតេស្តសុខភាពកីឡាករ Patrick Dorgu នៅថ្ងៃព្រហស្បត្តិ៍។
ការនិយាយព្រមព្រៀងគ្នាបានកើតឡើងកាលពីម្សិលមិញ ខណៈរបាយការណ៍បានអោយដឹងថាតម្លៃផ្ទេរប្រមាណ ៣០លានអឺរ៉ូ បូកនឹងតម្លៃបន្ថែម ៥លានអឺរ៉ូ សម្រាប់កីឡាករការពារស្លាបឆ្វេងដែលមកចូលរួមជាមួយបិសាចក្រហមពីក្លឹប Lecce។
កីឡាករ Dorgu បានទទួលយកនៅសំណើររយៈពេល ៥ឆ្នាំ ពីក្លឹប United កាលពីប៉ុន្មានថ្ងៃមុន ហើយពេលនេះគាត់ត្រៀមក្នុងការបញ្ចប់នៅជំហ៊ានចុងក្រោយនៃការផ្ទេរ៕
