ក្លឹប Chelsea ត្រូវបានរាយការណ៍ថាអាចបង្កើតជម្រើសរបស់ពួកគេក្នុងការកោះហៅកីឡាករ Trevoh Chalobah ត្រលប់មកវិញ ហើយទន្ទឹមនឹងនេះដែរពួកគេកំពុងពិចារណាលើការផ្លាស់ប្តូរសម្រាប់មិត្តរួមក្រុម Crystal Palace កីឡាករ Marc Guehi ។
យោងតាមការចេញផ្សាយរបស់ The Athletic បានអោយដឹងថាក្លឹប Chelsea អាចនឹងហៅ Chalobah មកវិញពីការខ្ចីជើងរយៈពេលមួយរដូវកាលរបស់គាត់នៅឯក្លឹប Palace ក្នុងខែមករា ចំពេលមានបញ្ហារបួសសម្រាប់ខ្សែការពារកណ្តាលក្រុមតោខៀវ Wesley Fofana និង Benoit Badishile ។
ហើយតាមរយៈការចេញផ្សាយរបស់លោក Fabrizio Romano បានអះអាងថាក្រុមរបស់ Enzo Maresca បាន «ពិភាក្សា» ជ្រើសរើសប្រធានក្រុម Crystal Palace កីឡាករ Guehi ប៉ុន្តែការផ្ទេរក្នុងខែមករាមិនមែនងាយស្រួលនោះទេ ខណៈដែលគាត់នៅសល់កុងត្រា ១៨ខែទៀតជាមួយនឹងក្លឹប៕
