គ្រូបង្វឹកក្រុម Manchester United លោក Ruben Amorim បានសារភាពពីភាពមិនច្បាស់លាស់អំពីអនាគតរបស់ Joshua Zirkzee ចំពេលមានការចាប់អារម្មណ៍ពីក្លឹប Juventus ។
កីឡាករ Zirkzee ត្រូវបានគេភ្ជាប់ជាមួយនឹងការវិលត្រឡប់ទៅប្រទេសអ៊ីតាលីវិញជាកន្លែងដែលគាត់បានបង្ហាញទម្រង់លេងដ៏ល្អបំផុតរបស់គាត់នៅ Bologna។
នេះបើយោងតាមការចេញផ្សាយរបស់ Corriere dello Sport បានឲ្យដឹងថា Juventus ចាប់អារម្មណ៍ក្នុងការចុះហត្ថលេខាលើខ្សែប្រយុទ្ធសញ្ជាតិហូឡង់ក្នុងលក្ខខណ្ឌខ្ចីជើងនាទីផ្សារដោះដូររដូវរងា ខណៈដែលពួកគេកំពុងជួបបញ្ហាក្នុងការស្វែងរកគ្រាប់បាល់។
ហើយបើយោងតាមការចេញផ្សាយរបស់ talkSPORT បានអោយដឹងថាក្លឹប Juventus ក៏បានផ្តល់ជូន Dusan Vlahovic ក្នុងកិច្ចព្រមព្រៀងដោះដូរមួយផងដែរ ខណៈដែល Man Utd ចង់លក់ Zirkzee ក្នុងកិច្ចសន្យាអចិន្ត្រៃយ៍៕
