យោងតាមការចេញផ្សាយរបស់ AS បានអោយដឹងថាក្លឹប Real Madrid កំពុងព្យាយាមពង្រឹងនៅតំបន់ការពាររបស់ពួកឡើងវិញ ដោយសារតែការរងរបួសរបស់កីឡាករ David Alaba, Dani Carvajal និង Eder Militao ។ ដូច្នេះហើយ ពួកគេកំពុងរក្សាការចាប់អារម្មណ៍ក្នុងការចុះហត្ថលេខាលើកីឡាករ Huijsen របស់ក្លឹប Bournemouth នៅរដូវក្តៅ ដោយត្រូវបានក្លឹបអធិរាជសចាត់ទុកកីឡាករវ័យ ១៩ឆ្នាំរូបនេះជាគោលដៅរយៈពេលវែងរបស់ក្លឹប។ ទោះជាយ៉ាងណាក៏ដោយ ការផ្ទេរ Saliba ត្រូវបានគេនិយាយថា «មិនអាចទៅរួច» ដោយសារតែការចំណាយយ៉ាងខ្ពស់ចំពោះការផ្ទេរមួយនេះ។
ប្រភពព័ត៌មានផ្សេងទៀតបានបន្ថែមថាក្រៅពី Huijsen ក្លឹប Real Madrid ក៏ចាប់អារម្មណ៍លើយុវជន Vitor Reis អាយុ ១៨ឆ្នាំរបស់ក្លឹប Palmeiras ប៉ុន្តែសម្រាប់កីឡាករ Aymeric Laporte ត្រូវបានក្លឹបច្រានចោលជម្រើសក្នុងការផ្ទេរដោយសារតែគាត់អាយុច្រើនពេក (៣០ឆ្នាំ) និងតម្លៃផ្ទេររបស់គាត់។ ក្លឹបអធិរាជសកំពុងព្យាយាមបង្ហាញភាពលេចធ្លោរបស់ខ្លួននៅក្នុងតំបន់អឺរ៉ុបឡើងវិញ ហើយការចុះហត្ថលេខាយកកីឡាករមានទេពកោសល្យថ្មីនឹងអាចជួយឆ្ពោះទៅរកគោលដៅនោះ។
កីឡាករ Huijsen បានផ្ទេរពីក្លឹប Juventus ទៅកាន់ក្លឹប Bournemouth ក្នុងកិច្ចសន្យារយៈពេល ៦ឆ្នាំក្នុងខែកក្កដាសម្រាប់តម្លៃផ្ទេរ ១៥.២លានផោន។ ចាប់តាំងពីពេលនោះមក គាត់បានបង្ហាញខ្លួន ១២ប្រកួត និងស៊ុតបញ្ចូលទីបាន ២គ្រាប់សម្រាប់ក្រុម Bournemouth។
ក្រុម Madrid របស់លោក Carlo Ancelotti ដែលឈរនៅលំដាប់ទី២ នៅ La Liga នឹងត្រូវប្រកួតនៅថ្ងៃទី៣ ខែមករា ជាមួយក្លឹប Valencia៕
