ឆ្នាំ២០២៤ សម្រាប់កីឡាករ Vinicius គឺមិនមានអ្វីមិនដូចការរំពឹងទុកនោះទេ ដោយវាជាឆ្នាំដ៏ល្អបំផុតរបស់គាត់ទាក់ទងនឹងទម្រង់លេង និងការរួមចំណែកលើវិស័យនេះ។ ការបង្ហាញដ៏គួរឱ្យចាប់អារម្មណ៍របស់គាត់បានធ្វើឱ្យគាត់ទទួលបានពានរង្វាន់ FIFA The Best Men’s Player បន្ទាប់ពីគាត់បានជម្រុញ Madrid ឱ្យឈ្នះពានរង្វាន់ La Liga និង Champions League ដែលពង្រឹងតួនាទីរបស់គាត់ជាកីឡាករកំពូលម្នាក់នៅទូទាំងពិភពលោក។ នេះបើយោងតាមការចេញផ្សាយរបស់ AS បានអោយដឹងថា ខណៈដែលរដូវក្តៅនៃឆ្នាំ២០២៥ ខិតជិតមកដល់ នៅពេលដែលគាត់ឈានចូលដល់រយៈពេល ២ឆ្នាំចុងក្រោយនៃកិច្ចសន្យារបស់គាត់ ខាងក្លឹប Madrid នឹងចាប់ផ្តើមការពិភាក្សាបន្តទៅលើកុងត្រាថ្មី ដោយធានានូវការប្តេជ្ញាចិត្តរបស់គាត់ចំពោះក្លឹប និងបញ្ចប់នៅចំណាប់អារម្មណ៍ដែលមានពីក្លឹបនៅអារ៉ាប៊ីសាអូឌីត។
ការចុះហត្ថលេខាក្នុងវ័យ ១៨ឆ្នាំ កីឡាករ Vinicius គឺជាកីឡាករដែលរកប្រាក់ចំណូលទាបបំផុតរបស់ក្រុម ដោយទទួលបានប្រាក់កម្រៃប្រមាណ ១.៥លានអឺរ៉ូក្នុងមួយឆ្នាំ។ កិច្ចព្រមព្រៀងថ្មីរបស់គាត់ដែលគាត់បានចុះហត្ថលេខាក្នុងខែតុលា ឆ្នាំ២០២៣ បង្ហាញពីការកើនឡើងប្រាក់ឈ្នួលដ៏គួរឱ្យកត់សម្គាល់ និងលក្ខខណ្ឌផ្តាច់កុងត្រាដែលមានតម្លៃ ១ពាន់លានអឺរ៉ូ ដែលនេះបានបង្ហាញអំពីសារៈសំខាន់របស់គាត់សម្រាប់ក្លឹប Real Madrid។ បើទោះបីជាមានការដំឡើងប្រាក់បៀវត្សរ៍ក៏ដោយ ក៏ប្រាក់បៀវត្សរ៍របស់គាត់នៅតែទាបជាងកីឡាករសំខាន់ៗដូនជា David Alaba ហើយកីឡាករសញ្ជាតិប្រេស៊ីលរូបនេះកំពុងសម្លឹងរកមើលការតម្លើងប្រាក់ឈ្នួលអោយស្មើរទៅនឹងកីឡាករ Kylian Mbappe ។
ក្លឹបនៅអារ៉ាប៊ីសាអូឌីតបានបង្ហាញចេតនារបស់ខ្លួនយ៉ាងច្បាស់លាស់កាលពីរដូវក្តៅមុន នៅពេលដែលក្រុម Al-Ahli ត្រូវបានរាយការណ៍ថាបានផ្តល់ឱ្យ Vinicius នូវកិច្ចសន្យាដែលធ្វើអោយគាត់ក្លាយជាអត្តពលិកដែលមានប្រាក់ខែខ្ពស់បំផុតក្នុងប្រវត្តិសាស្ត្រ។ យ៉ាងណាមិញ Madrid បានបដិសេធយ៉ាងដាច់ខាតក្នុងការចរចាណាមួយដោយចង្អុលទៅលើលក្ខខណ្ឌផ្តាច់កុងត្រារបស់គាត់។ ក្លឹបនៅ Saudi Pro League ចាត់ទុក Vinicius ជាមូលដ្ឋានគ្រឹះសម្រាប់មហិច្ឆិតាជាសកលរបស់ខ្លួន ហើយរបាយការណ៍បង្ហាញថាអ្នកតំណាងអារ៉ាប៊ីសាអូឌីតបានប្រាស្រ័យទាក់ទងក្នុងការបន្តចង់បានកីឡាករ Vinicius ម្តងទៀតនៅរដូវក្តៅឆ្នាំ២០២៥។ ជាមួយនឹងកុងត្រារយៈពេលដែលមានតម្លៃផ្តាច់កុងត្រា ១ពានលានអឺរ៉ូរួមទាំងប្រាក់ខែ និងប្រាក់រង្វាន់ ដែលមិនត្រូវបានបង្ហាញនៅចំនួនតួលេខជាក់ស្តែង។
ដោយទទួលស្គាល់នូវតម្លៃដែលមិនអាចជំនួសបានរបស់កីឡាករ Vinicius ខាងក្លឹប Madrid គ្រោងនឹងចាត់វិធានការយ៉ាងម៉ឺងម៉ាត់នៅរដូវក្ដៅក្រោយ ដោយធានាថាអនាគតរបស់កីឡាកររូបនេះនៅតែមានទំនាក់ទំនងជាមួយ Bernabeu ។ ជាប្រពៃណី ក្លឹបចាប់ផ្តើមការបន្តកិច្ចសន្យា នៅពេលដែលកីឡាករឈានចូលដល់រយៈពេលពីរឆ្នាំចុងក្រោយនៃកិច្ចព្រមព្រៀងរបស់ពួកគេ ជាពិសេសអ្នកដែលចាត់ទុកថាជាកីឡាករសំខាន់សម្រាប់ភាពជោគជ័យរបស់ក្រុម។ ទម្រង់លេងរបស់ Vinicius នៅរដូវកាលនេះគ្រាន់តែបញ្ជាក់ពីសារៈសំខាន់របស់គាត់ ដែលជារឿយៗបង្ហាញថាមានឥទ្ធិពល ប្រសិនបើមិនមានច្រើនជាង Mbappe សម្រាប់ក្រុម។ ជាមួយនឹងមហិច្ឆតារបស់ក្លឹបនៅអារ៉ាប៊ីសាអូឌីតដែលកំពុងលេចចេញនោះ ខាងក្លឹប Madrid ត្រូវបានគេរំពឹងថានឹងផ្តល់នូវកិច្ចព្រមព្រៀងដែលមិនដូចទៅនឹងតម្លៃទីផ្សារបច្ចុប្បន្នរបសកីឡាករប្រេស៊ីលប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការរួមចំណែករបស់គាត់ចំពោះជំហរសកលរបស់ក្លឹបផងដែរ៕
