កីឡាករ Balotelli បានចូលរួមជាមួយក្រុម Genoa នៅក្របខណ្ឌ Serie A ក្នុងខែតុលា ក្នុងនាមជាកីឡាករគ្មានតម្លៃខ្លួន បន្ទាប់ពីបានចាកចេញពីក្រុម Adana Demirspor នៅរដូវក្តៅបន្ទាប់ពីការបញ្ចប់កិច្ចសន្យារបស់គាត់ជាមួយក្រុម។ ទោះបីជាយ៉ាងណាក៏ដោយ អ្វីៗមិនដំណើរការរលូននោះទេ ដូចទៅនឹងការរំពឹងទុករបស់អតីតខ្សែប្រយុទ្ធជម្រើសជាតិអ៊ីតាលីនោះទេ ខណៈដែលគាត់បានលេងត្រឹមតែ ៥៦នាទីក្រោមការដឹកនាំរបស់លោក Patrick Viera ។
ជាមួយនឹងការចូលចិត្តទៅលើកីឡាករ Andrea Pinamonti, Jeff Ekhator និង Vitinha បានធ្វើអោយពួកគេអាចបង្ហាញខ្លួនលុបបាត់កីឡាករ Balotelli ហើយអតីតខ្សែប្រយុទ្ធក្លឹប Manchester City អាចផ្ទេរចេញពីក្លឹប Genoa ក្នុងទីផ្សារដោះដូរកីឡាករខែមករា។ នេះបើយោងតាមការចេញផ្សាយរបស់ La Gazzetta dello Sport បានអោយដឹងថាក្លឹបម៉ិកស៊ិក Cruz Azul ចាប់អារម្មណ៍ក្នុងការចុះហត្ថលេខាលើខ្សែប្រយុទ្ធអ៊ីតាលី។
លើសពីនេះបើយោងតាមការចេញផ្សាយរបស់ RTI Esporte របស់ប្រេស៊ីលបានអោយដឹងថាការចរចារវាង Balotelli និងគណៈគ្រប់គ្រង់ក្លឹប Cruz Azul មានភាពជឿនលឿនល្អ ដោយនៅសល់តែបញ្ហាប្រាក់ឈ្នួលរបស់ខ្សែប្រយុទ្ធប៉ុណ្ណោះដែលត្រូវពិភាក្សាបញ្ចប់។ ក្រុមម៉ិកស៊ិកចង់នាំយកអតីតខ្សែប្រយុទ្ធរបស់ City ខណៈដែលពួកគេកំពុងជួបការលំបាកក្នុងការវាយប្រហារនៅ Liga MX ។
ទីផ្សារដោះដូរកីឡាកររដូវរងារបានបើករួចហើយនៅក្នុងប្រទេសម៉ិកស៊ិក ហើយ Cruz Azul ទំនងជានឹងធ្វើការដាក់សំណើរផ្ទេរផ្លូវការណ៍នៅពេលឆាប់ៗខាងមុខនេះ សម្រាប់ការចុះហត្ថលេខារបស់ Balotelli ខណៈដែលពួកគេសម្លឹងមើលការបញ្ចូលកីឡាករអ៊ីតាលីទៅក្នុងក្រុមមុនពេលចាប់ផ្តើម Liga MX Clausura ៕
