យោងតាមការចេញផ្សាយរបស់ Sky Sports Deutschland បានអោយដឹងថាក្លឹប Bayer Leverkusen ត្រូវបានគេរាយការណ៍ថាកំពុងតាមដានខ្សែបម្រើ Arda Guler របស់ Real Madrid ហើយអាចនឹងពិចារណាលើការផ្ទេរយកគាត់នៅក្នុងរដូវក្តៅក្រោយ។
កីឡាករវ័យ ១៩ឆ្នាំដែលបានចូលរួមជាមួយក្លឹបអេស្ប៉ាញពី Fenerbahce ក្នុងឆ្នាំ២០២៣ បានជួបការលំបាកក្នុងការទទួលបានពេលវេលាលេងទៀងទាត់នៅ Santiago Bernabéu ។
ខណៈដែលក្លឹបឱ្យតម្លៃលើកីឡាករសញ្ញាតិទួរគី ហើយមិនមានគម្រោងចែកផ្លូវជាមួយគាត់ក្នុងអំឡុងទីផ្សារដោះដូរកីឡាករខែមករា ស្ថានភាពរបស់គាត់កំពុងត្រូវបានឃ្លាំមើលយ៉ាងដិតដល់ដោយក្លឹបដែលចង់បានគាត់ រួមទាំង Leverkusen ផងដែរ។ ខ្សែបម្រើរូបនេះស្ថិតក្រោមកិច្ចសន្យាជាមួយ Real Madrid រហូតដល់ឆ្នាំ២០២៩ ប៉ុន្តែការផ្ទេរនៅរដូវក្តៅក្រោយអាចក្លាយជាជម្រើសមួយប្រសិនបើ Güler មិនពេញចិត្តនឹងតួនាទីរបស់គាត់៕
