យោងតាមការចេញផ្សាយរបស់ TEAMtalk បានអោយដឹងថាក្លឹប Liverpool កំពុងតែខិតជិតក្នុងការផ្តល់កិច្ចសន្យាថ្មីដល់តារាឆ្នើម Mohamed Salah ហើយពួកគេនៅតែសង្ឃឹមថាកីឡាករអេហ្ស៊ីបនឹងចុះហត្ថលេខាលើកិច្ចសន្យាថ្មីក្នុងពេលឆាប់ៗនេះ។
តាមគំនិតរបស់ក្លឹបហង្សក្រហមចង់ឱ្យ Salah ចុះហត្ថលេខាលើកិច្ចព្រមព្រៀងថ្មីនៅខែនេះ ខណៈដែលក្នុងខែមករា កីឡាករអេហ្ស៊ីបនឹងមានសេរីភាពក្នុងការចរចាលើកិច្ចសន្យាជាមួយក្លឹបនៅក្រៅប្រទេសអង់គ្លេស ព្រោះតែកុងត្រារបស់គាត់បានឈានដល់រយៈពេល ៦ខែចុងក្រោយ៕
