ក្លឹប Marseille បានដាក់សំណើរទិញ Andreas Pereira របស់ Fulham កាលពីរដូវក្តៅកន្លងមក។ ខ្សែបម្រើសញ្ជាតិប្រេស៊ីលបានសារភាពថាគាត់ចាប់អារម្មណ៍ក្នុងការចូលរួមជាមួយក្រុមបារាំងក្រោមការដឹកនាំរបស់ Roberto De Zerbi ហើយនឹងបើកចំហចំពោះការផ្លាស់ប្តូរនៅក្នុងខែមករា រហូតដល់រដូវក្តៅក្រោយ ប្រសិនបើសំណើមួយផ្សេងទៀតកើតឡើង។
Pereira បានចាប់ផ្តើមរាល់ការប្រកួត Premier League សម្រាប់ក្រុម Fulham នៅរដូវកាលនេះ ដូច្នេះវាមិនទំនងទេដែលគ្រូបង្វឹក Fulham លោក Marco Silva នឹងអនុញ្ញាតឱ្យគាត់ចាកចេញក្នុងតម្លៃទាប។
កីឡាករ Pereira បានប្រាប់ PL Brasil ថា៖ «Olympique Marseille បានដាក់សំណើរមួយសម្រាប់ខ្ញុំកាលពីរដូវក្តៅមុន។ ជាអកុសលវាមិនដំណើរការទេ។ វាពិតជាល្អណាស់ជាមួយនឹងរបៀបដែល De Zerbi ដឹកនាំការប្រកួត។ ខ្ញុំបានមើលវាដោយច្បាស់នឹងភ្នែក ប៉ុន្តែរង់ចាំមើលខែមករា ឫក៏ចុងបញ្ចប់នៃរដូវកាលនេះ ប្រសិនជាមានការផ្ទេរ ឫក៏ប្រសិនបើខ្ញុំនឹងបន្តនៅ Fulham»៕
