កុងត្រាបច្ចុប្បន្នរបស់លោក Guardiola ជាមួយក្លឹបម្ចាស់ជើងឯក Premier League នឹងផុតកំណត់នៅចុងបញ្ចប់នៃរដូវកាលនេះ ហើយការសម្រេចចិត្តរបស់លោក Txiki Begiristain ដែលជាសម្ព័ន្ធមិត្តយូរអង្វែងក្នុងការចុះចេញពីតំណែងជានាយកកីឡា បានបង្កឱ្យមានការភ័យខ្លាចថាគ្រូបង្វឹករូបនេះនឹងតាមគាត់ចាក់ចេញ។
អ្នកចាត់ការដែលឈ្នះពានរង្វាន់ Premier League 6 សម័យនឹងមិនទាន់ចាកចេញនៅឡើយទេ ខណៈដែលសារព័ត៌មាន Football Insider បានអោយដឹងថាគាត់បានយល់ព្រមចុះហត្ថលេខាលើការបន្តរយៈពេលមួយឆ្នាំដែលនឹងរក្សាគាត់ឱ្យនៅជាមួយក្លឹបរហូតដល់ចុងបញ្ចប់នៃរដូវកាលរ ២០២៥-២៦ ។ ការប្រកាសជាផ្លូវការណ៍រំពឹងទុកថានឹងធ្វើឡើងនៅពេលឆាប់ៗនេះជាមួយនឹង ‘៩៩%’ នៃកិច្ចព្រមព្រៀងបានយល់ព្រម។
ក្លឹប City របស់លោក Guardiola កំពុងស្ថិតក្នុងទម្រង់លេងដ៏លំបាក ដោយបានចាញ់ ៤ប្រកួតជាប់ៗគ្នាជាលើកដំបូងក្រោមការដឹកនាំរបស់បុរសវ័យ ៥៣ឆ្នាំ ដោយពួកគេធ្លាក់ចេញពីកំពូលតារាង Premier League ដែលនៅពីក្រោយក្រុម Liverpool ចំនួន ៥ពិន្ទុបន្ទាប់ពីការប្រកួតចំនួន ១១ លើក។
ខណៈពេលដែល Man City ត្រៀមប្រកាសកិច្ចព្រមព្រៀងថ្មីជាមួយលោក Guardiola អ្នកចាត់ការទូទៅនឹងបន្តត្រៀមសម្រាប់ការប្រកួត Premier League នៅសប្តាហ៍ក្រោយជាមួយនឹងក្រុម Tottenham បន្ទាប់មកការប្រកួត Champions League ទល់នឹង Feyenoord នៅថ្ងៃទី២៦ ខែវិច្ឆិកា៕
