លោក Van Nistelrooy បានត្រលប់មក United វិញនៅរដូវក្តៅ ដោយចូលរួមជាជំនួយការគ្រូបង្វឹកក្រោមការដឹកនាំ Erik ten Hag។ បន្ទាប់ពីការបណ្តេញចេញរបស់ Ten Hag គាត់បានឈានជើងចូលទៅក្នុងតួនាទីជាគ្រូបង្វឹកបណ្តោះអាសន្ន ហើយការដឹកនាំរយៈពេលខ្លីរបស់គាត់ត្រូវបានកត់សម្គាល់ដោយកំណត់ត្រាមិនដែលចាញ់ក្នុងការប្រកួតចំនួន ៤ដង រួមមានការទទួលជ័យជម្នះលើក្រុម Leicester City ចំនួនពីរដង, ស្មើជាមួយក្រុមតោខៀវ និងការឈ្នះដ៏សំខាន់នៅ Europa League ទៅលើ PAOK ។ ថ្វីបើគាត់ទទួលបានជោគជ័យក៏ដោយ អ្នកចាត់ការទូទៅរបស់ក្លឹប United លោក Ruben Amorim បានសម្រេចចិត្តជ្រើសរើសផ្លាស់ប្តូរក្រុមបុគ្គលិកគ្រូបង្វឹក ដោយនាំយកក្រុមរបស់គាត់ផ្ទាល់ពីក្លឹប Sporting Lisbon មកកាន់ Old Trafford ។ នេះបានធ្វើឱ្យបុរសសញ្ជាតិហូឡង់គ្មានតំណែងនៅ Old Trafford នោះទេ។
នេះបើយោងតាមការចេញផ្សាយរបស់ The Mirror បានអោយដឹងថាឥឡូវនេះគាត់បានរកឃើញការប្រកួតប្រជែងថ្មី ដោយលោក Van Nistelrooy ត្រូវបានគេរាយការណ៍ថាបានដាក់ពាក្យសម្រាប់តំណែងជាអ្នកគ្រប់គ្រងនៅ Coventry City។ ក្រុមនៅ Championship ដែលបច្ចុប្បន្នស្ថិតក្នុងចំណាត់ថ្នាក់ទី១៧ ថ្មីៗនេះបានចែកផ្លូវជាមួយលោក Mark Robins ហើយកំពុងស្វែងរកអ្នកដឹកនាំថ្មី។ ពួកគេត្រូវបានគេនិយាយថានឹងកំពុងវាយតម្លៃបេក្ខជនយ៉ាងច្រើន ដោយមានបេក្ខជនប្រមាណ 70 នាក់បានបង្ហាញចំណាប់អារម្មណ៍សម្រាប់ដំណាក់កាលដំបូង។ ក្នុងចំណោមនោះ ក៏មានបេក្ខភាពគួរឱ្យកត់សម្គាល់មួយចំនួនដូចជា Frank Lampard និង Lee Carsley ដែលបានបញ្ជាក់ថាកំពុងពិភាក្សាជាមួយថ្នាក់គ្រប់គ្រងរួចហើយ។ ម្ចាស់ក្លឹបលោក Doug King កំពុងពិគ្រោះជាមួយនាយកប្រតិបត្តិលោក Claire-Marie Roberts និងជាប្រធានផ្នែកជ្រើសរើស Dean Austin មុនពេលសម្រេចឈ្មោះដែលនឹងត្រូវមកទទួលតំណែងជាអ្នកចាត់ការ។
សេចក្តីប្រាថ្នារបស់លោក Van Nistelrooy មិនមែនមានតែការងារនៅក្លឹប Coventry នោះទេ។ របាយការណ៍បង្ហាញថាគាត់ក៏បើកចំហរក្នុងការគ្រប់គ្រងក្រុម Burnley ប្រសិនបើមានឱកាសកើតឡើង។ បុរសសញ្ជាតិហូឡង់រូបនេះពីមុនត្រូវបានផ្សារភ្ជាប់ទៅនឹងការងារ Turf Moor ប៉ុន្តែជំនួសមកវិញដោយការត្រលប់ទៅ United ក្នុងអំឡុងពេលនោះ។ អ្នកគាំទ្រក្រុម Burnley បានសម្តែងភាពមន្ទិលសង្ស័យចំពោះគ្រូបង្វឹកបច្ចុប្បន្នលោក Scott Parker ខណៈទ្វារបើកចំហរសម្រាប់ការផ្ទេរមួយនេះ។
ឆន្ទៈរបស់ Van Nistelrooy ក្នុងការដាក់ពាក្យសម្រាប់តួនាទីនៅក្លឹប Championship គូសបញ្ជាក់ពីការប្តេជ្ញាចិត្តរបស់គាត់ក្នុងការបង្កើតខ្លួនគាត់ជាអ្នកគ្រប់គ្រងនៅក្នុងប្រទេសអង់គ្លេស។ មិនថានៅ Coventry, Burnley ឬក្លឹបផ្សេងទៀតទេ ការផ្លាស់ប្តូរបន្ទាប់របស់គាត់នឹងត្រូវបានមើលយ៉ាងដិតដល់ ខណៈដែលគាត់ចង់បកប្រែភាពជោគជ័យរបស់គាត់ជាមួយក្លឹប Manchester ទៅជាអាជីពគ្រូបង្វឹករយៈពេលវែង៕
