យោងតាមការចេញផ្សាយរបស់ Fichajes បានអោយដឹងថាក្លឹប Aston Villa ត្រូវបានគេរាយការណ៍ថាបានបង្ហាញពីចំណាប់អារម្មណ៍ក្នុងការចុះហត្ថលេខាលើតារាឆ្នើមរបស់ Chelsea កីឡាករ Kiernan Dewsbury-Hall នៅក្នុងទីផ្សារដោះដូរកីឡាករខែមករាខាងមុខនេះ។
ខ្សែបម្រើរូបនេះបានផ្ទេរទៅកាន់កីឡដ្ឋាន Stamford Bridge នៅរដូវក្តៅនេះ ហើយបានបង្ហាញខ្លួនត្រឹមតែ ១០ប្រកួតប៉ុណ្ណោះសម្រាប់ក្លឹបដែលភាគច្រើននៅក្នុងការប្រកួត Conference League និង Carabao Cup ។
កីឡាករវ័យ ២៦ឆ្នាំរូបនេះត្រូវបានគេរាយការណ៍ថាមិនសប្បាយចិត្តជាមួយនឹងពេលវេលាប្រកួតរបស់គាត់ក្រោមការដឹកនាំរបស់លោក Enzo Maresca ហើយកំពុងពិចារណាចាកចេញពីកីឡដ្ឋាន Stamford Bridge ៕
