យោងតាមការចេញផ្សាយរបស់ Marca បានអោយដឹងថាក្លឹប Real Madrid ត្រូវបានគេរាយការណ៍ថាគ្រោងនឹងចុះហត្ថលេខាយកទាំងកីឡាករ Alexander-Arnold និង Alphonso Davies លើការផ្ទេរដោយគ្មានតម្លៃខ្លួននៅរដូវក្តៅក្រោយ។
កីឡាករ Alexander-Arnold ដែលជាខ្សែការពារស្តាំរបស់ Liverpool វ័យ ២៦ឆ្នាំបានចំណាយពេលពេញអាជីពរបស់គាត់នៅ Anfield ប៉ុន្តែមិនទាន់បានចុះហត្ថលេខាទៅលើកុងត្រាថ្មីនោះទេ ខណៈកិច្ចសន្យាបច្ចុប្បន្នរបស់គាត់នឹងផុតកំណត់នៅចុងបញ្ចប់នៃរដូវកាលនេះ។
ដូចគ្នានេះដែរ ខ្សែការពារស្លាបឆ្វេងរបស់ Bayern Munich វ័យ ២៣ឆ្នាំកីឡាករ Davies នៅសល់កុងត្រាតែជាង ៦ខែទៀតប៉ុណ្ណោះ។ ក្លឹប Real Madrid ត្រូវបានគេនិយាយថានឹងរង់ចាំដល់ខែមករាដើម្បីធ្វើការផ្តល់ជូនជាផ្លូវការសម្រាប់កីឡាករទាំងពីរ ដោយមានក្តីសង្ឃឹមក្នុងការធានាបានការចុះហត្ថលេខាយកពួកគេនៅរដូវក្តៅក្រោយ៕
