យោងតាមការចេញផ្សាយរបស់ Sky Germany បានអោយដឹងថាក្លឹប Bayern Munich កំពុងពិភាក្សាគ្នាដើម្បីផ្តល់កិច្ចសន្យាថ្មីដល់កីឡាករ Jamal Musiala ខណៈដែលពួកគេអាចធ្វើឱ្យតារាឆ្នើមសញ្ជាតិអាល្លឺម៉ង់រូបនេះក្លាយជាអ្នករកចំណូលបានច្រើនជាងគេរបស់ក្លឹបដូចទៅនឹងកីឡាករ Harry Kane ។
ក្លឹប Bayern នៅមានពេលច្រើនក្នុងការចរចារលើកិច្ចព្រមព្រៀងថ្មីជាមួយកីឡាករ Musiala ខណៈដែលកិច្ចសន្យាបច្ចុប្បន្នរបស់គាត់ផុតកំណត់នៅឆ្នាំ ២០២៦។ ក្លឹបបានផ្តួចផ្តើមការពិភាក្សាជាមួយអ្នកតំណាងរបស់កីឡាកររួចហើយ ខណៈដែលពួកគេមានគម្រោងផ្តល់កិច្ចសន្យាថ្មីដែលមានសុពលភាពដល់ឆ្នាំ២០២៩ ឬ ២០៣០៕
