យោងតាមការចេញផ្សាយរបស់ TEAMtalk បានអោយដឹងថាកីឡាករ Christian Eriksen នឹងត្រូវចាកចេញពីក្លឹប Manchester United ដើម្បីបង្កើតកន្លែងទំនេរសម្រាប់កីឡាករ Adam Wharton របស់ក្រុម Crystal Palace។
សមិទ្ធិផលលេចធ្លោរបស់ Wharton សម្រាប់ក្លឹប Crystal Palace បានទាក់ទាញចំណាប់អារម្មណ៍របស់ក្លឹប Man Utd ខណៈដែលក្រុមប្រឹក្សាភិបាលរបស់ Manchester United បានបញ្ជាក់យ៉ាងច្បាស់ថាពួកគេចង់ឃើញកីឡាករដែលមានទេពកោសល្យសញ្ជាតិអង់គ្លេសនៅក្លឹប។ ក្លឹប Tottenham Hotspur, Bayern Munich, Arsenal, Liverpool និង United សុទ្ធតែបានតាមដានការរីកចម្រើនរបស់កីឡាកររូបនេះ៕
