បរទេស៖ ការរំពឹងទុកនេះបានផ្ទុះឡើងនៅក្នុងរដូវក្តៅ ខណៈកីឡាករ Kimmich អាចនឹងចាកចេញពីក្លឹបនៅអាឡឺម៉ង់។ កីឡាករវ័យ ២៩ឆ្នាំរូបនេះ បានគេចវេសនៅពេលពិភាក្សាអំពីអនាគតរបស់គាត់កាលពីខែមេសា ប៉ុន្តែគាត់បានសារភាពថាក្លឹប Barcelona និង Real Madrid ដែលគាត់ត្រូវបានទាក់ទងគ្នា គឺជា “ក្លឹបដ៏អស្ចារ្យ” ។ ការជួបជុំជាមួយអតីតគ្រូបង្វឹក Bayern លោក Pep Guardiola នៅក្លឹប Manchester City ក៏ត្រូវបានច្រានចោលផងដែរ។
កីឡាករ Kimmich បានបង្ហាញពីការខកចិត្តរបស់គាត់ជាច្រើនដងកាលពីរដូវកាលមុន។ ក្លឹប Bayern នៅពេលនេះស្ថិតក្រោមការដឹកនាំរបស់លោក Vincent Kompany ដែលអាចនឹងធ្វើឱ្យប៉ះពាល់ដ៏ផ្នែកមួយរបស់កីឡាករ Kimmich ក្នុងការប្តេជ្ញាចិត្តអំពីអនាគតរបស់គាត់ជាមួយក្លឹប ប៉ុន្តែលោក Eberl បានបញ្ជាក់យ៉ាងច្បាស់ថាក្លឹប Bayern ប្រហែលជាគិតថាវាជាការល្អដែលមានជម្រើសកីឡាករដ៏សម្បូរបែប។
លោក Eberl បានប្រាប់ Welt am Sonntag ថា៖ “Joshua គឺជាកីឡាករដ៏ល្អម្នាក់ ប៉ុន្តែជាទូទៅបាល់ទាត់អាជីពគឺមានភាពប្រកួតប្រជែង ពួកយើងមិនអាចនិយាយទៅកាន់កីឡាករណាម្នាក់បានទេថា “ហេ អ្នកគឺជាកីឡាករដែលនឹងលេង” ខ្ញុំគ្រាន់តែនិយាយអ្វីដែលអនុវត្តចំពោះមនុស្សគ្រប់គ្នា។ យើងមានកីឡាករល្អៗជាច្រើននៅគ្រប់តំណែង ហើយដូច្នេះជម្រើសយើងមានច្រើន”។
ក្លឹប Bayern បានពង្រឹងនៅតំបន់ខ្សែបម្រើការពារ និងខ្សែការពារស្តាំ ដែលជាទីតាំងរបស់កីឡាករ Kimmich ដោយកីឡាករ Joao Palhinha មកពី Fulham និងកីឡាករ Josip Stanisic ដែលត្រលប់ពីការខ្ចីជើងនៅក្លឹប Leverkusen។
កីឡាករ Kimmich នៅសម្រាកលំហែកាយ បន្ទាប់ពីការខិតខំប្រឹងប្រែងរបស់គាត់សម្រាប់ក្រុមជម្រើសជាតិអាឡឺម៉ង់នៅ Euro ២០២៤។ ការពិភាក្សាអំពីអនាគតរបស់គាត់ជាមួយលោល Eberl និងអ្នកចាត់ការលោក Kompany នឹងធ្វើឡើងនៅពេលគាត់ត្រលប់មកវិញ៕
