យោងតាមការចេញផ្សាយរបស់ GiveMeSport បានអោយដឹងថាក្លឹប Arsenal បានសាកសួរអំពីការផ្ទេរខ្សែការពារវ័យ ២២ឆ្នាំកីឡាករ Riccardo Calafiori ដែលគាត់ក៏ស្ថិតនៅក្នុងរ៉ាដារបស់ក្លឹប Chelsea ផងដែរ។
កីឡាករ Riccardo Calafiori ត្រូវបានចាត់ទុកថាជាខ្សែការពារវ័យក្មេងដ៏ល្អម្នាក់ក្នុងព្រឹត្តិការណ៍ Euro ២០២៤ ហើយគាត់អាចនឹងក្លាយជាកីឡាករសំខាន់សម្រាប់ក្លឹប Arsenal ក្នុងរយៈពេលវែង។
កីឡាករសញ្ជាតិអ៊ីតាលី អាចនឹងត្រូវចាប់ដៃគូរជាមួយនឹងកីឡាករ William Saliba ក្នុងតំបន់ការពាររបស់ក្លឹប Arsenal។ ហើយគាត់ក៏ជាកីឡាករម្នាក់ ដែលអាចលេងក្នុងតំណែងជាខ្សែការពារឆ្វេងបានផងដែរ៕
