អ្នកចាត់ការក្លឹបអធិរាជស ចង់ខ្សែប្រយុទ្ធអង់គ្លេស តែប្រធានក្លឹបបដិសេធន៍

ប្រធានក្លឹប Real Madrid លោក Florentino Perez បានរារាំងសំណើរបស់គ្រូបង្វឹក Carlo Ancelotti ក្នុងការចុះហត្ថលេខាយកកីឡាករ Harry Kane ពីក្លឹប Tottenham កាលពីរដូវក្តៅមុន។

នេះបើយោងតាមការចេញផ្សាយរបស់ Relevo បានអោយដឹងថាគ្រូបង្វឹកសញ្ជាតិអ៊ីតាលីបានដាក់ឈ្មោះ Kane ជាគោលដៅផ្ទេរលេខមួយរបស់គាត់កាលពីរដូវក្តៅមុន មុនពេលការផ្ទេរយកមិត្តរួមជាតិអង់គ្លេសកីឡាករ Jude Bellingham បន្ទាប់ពីការចាកចេញរបស់កីឡាករ Karim Benzema ទៅកាន់ក្លឹប Al-Ittihad ប៉ុន្តែលោក Perez បានបដិសេធនៅសំណើរផ្ទេរមួយនេះ។ លោក Perez មានចិត្តចង់ចុះហត្ថលេខាលើកីឡាករ Kylian Mbappe ជំនួសកីឡាករសញ្ជាតិអង់គ្លេស ហើយសុខចិត្តទុកអោយក្លឹប Madrid លេងដោយគ្មានកីឡាករលេខប្រាំបួន មុនពេលចុះហត្ថលេខាលើខ្សែប្រយុទ្ធសញ្ជាតិបារាំងរូបនេះលើការផ្ទេរដោយឥតគិតថ្លៃក្នុងរដូវក្តៅខាងមុខនេះ៕