លោក Alonso បានបញ្ជាក់ថាគាត់នឹងបន្តស្នាក់នៅជាមួយនឹងក្លឹប Leverkusen បើទោះបីជាមនាការចាប់អារម្មណ៍ពីក្លឹប Liverpool និង Bayern Munich ក៏ដោយ។ គ្រូបង្វឹករូបនេះទំនងជានឹងឈ្នះពាន Bundesliga ជាមួយ Leverkusen បន្ទាប់ពីដឹកនាំក្រុមរបស់លោកឲ្យនាំមុខក្រុម Bayern ដល់ទៅ ១៣ ពិន្ទុនៅកំពូលតារាងក្នុងលីគអាល្លឺម៉ង់។
ក្លឹប Liverpool និង Bayern Munich កំពុងសម្លឹងរកមើលគ្រូបង្វឹកថ្មីនៅរដូវក្តៅនេះ ប៉ុន្តែឥលូវនេះប្រហែលជាត្រូវរកគ្រូបង្វឹកផ្សេងក្រៅពី Alonso ហើយ។ គ្រូបង្វឹក Brighton លោក Roberto De Zerbi ត្រូវបានគេរាយការណ៍ថាជាជម្រើសសម្រាប់ហង្សក្រហម ខណៈដែល Bayern កំពុងពិចារណានាំយក Julian Nagelsmann ត្រឡប់ទៅកីឡដ្ឋាន Allianz Arena ។ អតីតខ្សែបម្រើក្លឹប Liverpool លោក Joe Cole បានចាប់ទុកការសម្រេចចិត្តរបស់ Alonso នេះជា «ការសម្រេចចិត្តដ៏អាក្រក់»។
លោក Joe Cole បាននិយាយប្រាប់ beIN Sports ថា៖ «វានឹងមិនមានពេលនេះម្តងទៀតជាមួយនឹងការងារនេះសម្រាប់គាត់។ គាត់មានជម្រើស។ ហើយគាត់នឹងមិនមានពេលវេលាដូចនេះម្តងទៀត សម្រាប់គាត់នោះទេ។ ផ្ទុយពីការជ្រើសរើសការងារមួយក្នុងចំណោមនេះ គាត់បានសម្រេចចិត្តបន្តស្នាក់នៅជាមួយក្លឹប Bayer Leverkusen»។
ឥឡូវនេះក្លឹប Leverkusen មាន ៧៣ពិន្ទុ ដែលស្មើនឹងកំណត់ត្រាក្លឹបរបស់ពួកគេកាលពីរដូវកាល ១៩៩៩-២០០០ ។ ក្រុមរបស់លោក Alonso មានពិន្ទុលើក្រុមម្ចាស់ជើងឯក Bayern កាលពីឆ្នាំមុនទៀត។
ក្លឹប Leverkusen មិនដែលឈ្នះពាន Bundesliga ឡើយ ប៉ុន្តែមើលទៅអាចនឹងបញ្ចប់រឿងមួយនក្រោមការដឹកនាំរបស់លោក Alonso ខណៈពេលដែលការបញ្ចប់ការឈ្នះជើងឯក ១១ដងជាប់ៗគ្នារបស់ក្លឹប Bayern។ ជ័យជម្នះបែបនេះនឹងក្លាយជាសមិទ្ធិផលដ៏ធំមួយសម្រាប់អតីតកីឡាករជម្រើសជាតិអេស្ប៉ាញ ហើយគាត់និងមិនមានបញ្ហាក្នុងការដឹកនាំក្រុមរបស់គាត់ក្នុងការប្រកួត Champions League នៅរដូវកាលក្រោយនោះទេ៕
