លោក Uli Hoeness ប្រធានកិត្តិយសរបស់ក្លឹប Bayern Munich បាននិយាយថាការវិលត្រលប់របស់លោក Julian Naglesmann មកកាន់ក្លឹប Bayern Munich វិញក្នុងនាមជាគ្រូបង្វឹក មួយឆ្នាំបន្ទាប់ពីត្រូវបានបណ្តេញចេញពីតួនាទីគឺ «អាចយល់ព្រម»។ កុងត្រារបស់លោក Naglesmann ក្នុងនាមជាគ្រូបង្វឹកក្រុមជម្រើសជាតិអាឡឺម៉ង់ត្រូវបានបញ្ចប់បន្ទាប់ពី Euros ខណៈលោក Thomas Tuchel នឹងចាកចេញពីក្លឹបនៅចុងបញ្ចប់នៃរដូវកាលនេះ។
លោក Hoeness បានប្រាប់ ransport តាមរយៈ Sky Sports ថា៖ «ពួកយើងត្រូវធ្វើរឿងដ៏ច្បាស់លាស់មួយនៅក្លឹប Bayern យ៉ាងហោចណាស់ជាមួយនឹងការគ្រប់គ្រងដែលយើងមាននៅពេលនេះ គឺពិតជាគ្មានការអន់ចិត្តចំពោះ Julian Nagelsmann»។
«ការពិតគឺថាលោក Oliver Kahn និងលោក Hasan Salihamidzic ដែលទទួលខុសត្រូវចំពោះការបណ្តេញលោក Nagelsmann ហើយឥលូវនេះអ្នកទាំងពីរលែងនៅទីនេះទៀតហើយ»។
លោក Hoeness បានបន្ថែមទៀតថា៖ «ដូច្នេះការត្រលប់មកវិញ ប្រហែលជាអាចស្រមៃបាន ជាពិសេសលោក Nagelsmann គ្រាន់តែជាគ្រូបង្វឹកជម្រើសជាតិរហូតដល់ក្រោយ Euros ហើយថ្មីៗនេះមានរឿងបន្តិច ដោយសារគាត់ស្ទើរតែមិនអាចបង្ហាត់បច្ចេកទេសជាមួយក្រុមជម្រើសជាតិបាន»៕
