លោក Zidane មិនទាន់មានការងារធ្វើនោះទេ បន្ទាប់ពីចាកចេញពី Real Madrid ជាលើកទីពីរក្នុងឆ្នាំ 2021។ មកទល់នឹងពេលនេះ Los Blancos គឺជាក្លឹបតែមួយគត់ដែល Zidane បានធ្វើការជាគ្រូបង្វឹក ដោយធ្លាប់ចំណាយពេល 5 រដូវកាលចុងក្រោយរបស់គាត់ក្នុងនាមជាកីឡាករនៅ Madrid ផងដែរ។
អតីតកីឡាករជម្រើសជាតិបារាំងរូបនេះត្រូវបានផ្សារភ្ជាប់ជាមួយនឹងការវិលត្រឡប់ទៅកាន់ក្លឹបចាស់វិញក្នុងនាមជាអ្នកចាត់ការទូទៅនាពេលខាងមុខនេះ ដោយជំនួសកន្លែងលោក Carlo Ancelotti ជាថ្មីម្តងទៀត ហើយគាត់ក៏ត្រូវបានផ្សារភ្ជាប់ជាមួយនឹងការងារនៅ Juventus ផងដែរ។
ថ្លែងទៅកាន់ DAZN ក្នុងសប្តាហ៍នេះ Zidane គាត់បើកចំហសម្រាប់ការងារនៅក្នុងប្រទេសអ៊ីតាលីជាគ្រូបង្វឹកនាពេលអនាគត៖ «ហេតុអ្វីមិនអាច0x017d7 អ្វីៗអាចកើតឡើង។ ខ្ញុំចង់ទៅបង្វឹកនៅប្រទេសអ៊ីតាលីនៅថ្ងៃណាមួយ។ ខ្ញុំចូលចិត្តប្រទេសអ៊ីតាលី ហើយខ្ញុំចូលចិត្តបាល់ទាត់នៅអ៊ីតាលី»។
Zidane បន្ថែមថា៖ «ក្នុងនាមជាគ្រូបង្វឹក ខ្ញុំបានរៀនសូត្រច្រើនពី Marcello Lippi និង Carlo Ancelotti ។ Lippi គឺជាគ្រូបង្វឹកដំបូងដែលជឿជាក់លើខ្ញុំ។ គាត់បាននាំខ្ញុំមក Juve ហើយខ្ញុំបានក្លាយជាកីឡាករមានឈ្មោះបោះសម្លេង ខ្ញុំអរគុណគាត់»៕
