លោក Pep Lijnders បាននៅជាមួយក្លឹប Merseysiders តាំងពីឆ្នាំ 2018 ហើយគាត់បានធ្វើការងារដ៏អស្ចារ្យមួយជាមួយលោក Jurgen Klopp ។ គាត់បានជួយពួកគេឱ្យឈ្នះពានរង្វាន់ UEFA Champions League និង Premier League ក្នុងចំណោមពានរង្វាន់ផ្សេងទៀត។
មានការលើកឡើងថា ជំនួយការគ្រូបង្វឹកវ័យ 41 ឆ្នាំអាចនឹងត្រូវបានតែងតាំងជាអ្នកចាត់ការក្រុមឈុតធំរបស់ Liverpool បន្ទាប់ពីលោក Jurgen Klopp ចុះចេញពីដំណែងនៅចុងបញ្ចប់នៃរដូវកាលនេះ។ ប៉ុន្តែយោងទៅតាមការបោះពុម្ពផ្សាយព័ត៌មានរបស់ប្រទេសហូឡង់ De Telegraaf បានឲ្យដឹងថាក្លឹប Ajax កំពុងពិភាក្សាដើម្បីតែងតាំងជំនួយការគ្រូបង្វឹក Liverpool លោក Pep Lijnders ជាគ្រូបង្វឹករបស់ពួកគេនៅរដូវកាលក្រោយ។
ទន្ទឹមនឹងនោះ Ajax បានជួបការលំបាកក្នុងក្របខណ្ឌ Eredivisie ក្នុងរដូវកាលនេះ ហើយបច្ចុប្បន្នកំពុងឈរនៅលេខរៀងទី 5 ដែលមាន 29 ពិន្ទុតាមពីក្រោយក្រុមកំពូលតារាង PSV Eindhoven បន្ទាប់ពីការប្រកួតចំនួន 23 លើក។ ពួកគេបានចែកផ្លូវជាមួយលោក Maurice Steijn ក្នុងខែតុលា ឆ្នាំ 2023 ហើយបានតែងតាំងលោក John van’t Schip ជាគ្រូបង្វឹកបណ្តោះអាសន្ន៕
