West Ham សម្លឹងឃើញខ្សែប្រយុទ្ធម្នាក់ មកពង្រឹងនៅតំបន់ខាងលើរបស់ខ្លួន

បរទេស៖ នេះបើយោងតាមការចេញផ្សាយរបស់ Daily Telegraph បានអោយដឹងថាកីឡាករ Dominic Solanke ជាកីឡាករដែលមានអទិភាពនៅក្នុងបញ្ជីដែលក្លឹប West Ham ចង់បាននៅរដូវក្តៅខាងមុខ ដោយក្លឹបញញួរធំចង់ពង្រឹងនៅតំបន់ប្រយុទ្ធរបស់ខ្លួន។

នៅរដូវកាលនេះ ខ្សែប្រយុទ្ធ Dominic Solanke បានស៊ុតបញ្ចូលទី ១៦គ្រាប់នៅគ្រប់ព្រឹត្តិការណ៍ទាំងអស់។ ក្លឹបញញួរធំចង់បានកីឡាករបន្ថែមនៅតំបន់ប្រយុទ្ធ។ ចាប់តាំងពីកីឡាករ Michail Antonio ត្រលប់មកវិញពីការអវត្តមានរយៈពេល ៣ខែដោយសាររបួសជង្គង់ លោក David Moyes បានប្រើប្រាស់កីឡាករ Jarrod Bowen ជាខ្សែប្រយុទ្ធ៕