បរទេស៖ ក្រោយខកខានមិនបានបង្ហាញខ្លួននៅ Old Trafford តាំងពីខែសីហាមក ពេលនេះខ្សែប្រយុទ្ធស្លាប់សញ្ជាតិអង់គ្លេស គឺកីឡាករ Sancho ត្រូវបានអនុញ្ញាតអោយត្រលប់ទៅកាន់ទឹកដីអាឡឺម៉ង់វិញហើយ។ ការផ្ទេរត្រលប់ទៅវីញនេះកើតឡើង ក្រោយគាត់បានចំណាយពេល ២ឆ្នាំកន្លះបន្ទាប់ពីផ្ទេរមកកាន់ Premier League ជាមួយនឹងតម្លៃ ៧៥លានផោន។ លោក Erik ten Hag បានដក Sancho ចេញពីក្រុមឈុតធំរបស់ Manchester Untied ហើយគាត់ក៏មិនចង់ចំណាយពេលនិយាយអំពីបញ្ហារបស់ កីឡាករវ័យ ២៣ឆ្នាំរូបនេះច្រើន ក្រោយការចាកចេញនាខែមករានេះ។
![Ten Hag loses patience with Sancho as 'ruthless' Man Utd prepare to sell seven stars signed for £256m](https://images.teamtalk.com/content/uploads/2022/12/08101852/Jadon-Sancho-Erik-ten-Hag-MUFC.jpg)
នៅពេលដែលមានការសាកសួរអំពីការចាកចេញរបស់ Sancho នៅក្នុងសន្និសិទ្ធការសែតមុនការប្រកួតជាមួយក្លឹប Tottenham លោក Erik ten Hag បាននិយាយថា “ខ្ញុំសង្ឃឹមថាគាត់នឹងធ្វើបានល្អ ដូច្នេះខ្ញុំជូនពរគាត់អោយជួបតែសំណាងល្អ។ ខ្ញុំសង្ឃឹមថាគាត់ធ្វើបានល្អ ហើយគាត់នឹងទទួលបានជោគជ័យ”។
![Sancho Dortmund return GFX](https://assets.goal.com/v3/assets/bltcc7a7ffd2fbf71f5/blt0f49a36a90e88dc7/659aa7c90e63a5040a401705/Sancho_Dortmund.jpg?auto=webp&format=pjpg&width=3840&quality=60)
នៅក្នុងសន្និសិទ្ធដដែរ នៅពេលដែលការចោទសួរអំពីប្រធានបទ Sancho ទៀត លោកគ្រូសញ្ជាតិហូឡង់បានឆ្លើយតមបន្ថែមថា៖ “ខ្ញុំបានឆ្លើយនឹងរឿងនេះហើយ ខ្ញុំគិតថាវាគ្រប់គ្រាន់ហើយ”។
ក្លឹប Man Utd បានធ្វើការតស៊ូយ៉ាងខ្លាំងនៅក្នុងរដូវកាលនេះ ហើយ FA Cup គឺជាព្រឹត្តិការណ៍តែមួយដែលក្លឹបនៅសល់ឪកាសប្រជែងពាន៕