វីរបុរសក្រុមមេឃខៀវ Sergio Aguero បានលើកឡើងយ៉ាងភ្ញាក់ផ្អើលថា Manchester United នៅតែជាគូប្រជែងដណ្តើមពាន Premier League។
ការប្រជែងដណ្តើមពានក្នុងរដូវកាលនេះ មើលទៅមានការប្រជែងខ្លាំង ដោយក្រុមកំពូលទាំងប្រាំ Arsenal, Liverpool, Aston Villa, Man City និង Tottenham មានគម្លាតពីគ្នាត្រឹមតែ 6 ពិន្ទុប៉ុណ្ណោះបន្ទាប់ពី 17 ប្រកួត។
វាត្រូវបានគេរំពឹងទុកយ៉ាងទូលំទូលាយថាក្រុមកាំភ្លើងធំ និងហង្សក្រហមនឹងប្រជែងជាមួយក្រុម Man City សម្រាប់ពានរង្វាន់លីគកំពូងអង់គ្លេស ប៉ុន្តែទម្រង់លេងដ៏អស្ចារ្យរបស់ Villa និង Spurs បានធ្វើឱ្យអ្វីៗកាន់តែមិនអាចទាយទុកជាមុនបាន។
ទោះជាយ៉ាងណាក៏ដោយ មានមនុស្សតិចណាស់គិតថា Man United ជាគូប្រជែងដណ្តើមពាន ដោយសារពួកគេធ្លាក់ទម្រង់លេង ទម្រង់លេងមិនស៊ីសង្វាក់គ្នា និងបញ្ហាក្រៅទីលាននៅរដូវកាលនេះ។
ក្រុមបិសាចក្រហម ដែលបានធ្លាក់ចេញពីការប្រកួតពានរង្វាន់ទ្វីបអឺរ៉ុប និងពានរង្វាន់ Carabao Cup ហើយបានឈរនៅលេខរៀងទី 7 ក្នុងតារាង ដែលមានគម្លាតចំនួន 11 ពិន្ទុពីក្រុមកំពូលតារាង។
ប៉ុន្តែ Aguero បានលើកឡើងថាត្រូវមានការប្រុងប្រយ័ត្នយ៉ាងខ្លាំងចំពោះក្រុមរបស់ Erik ten Hag ដោយប្រាប់ទៅកាន់ Stake.com ថា៖ «អ្នកមិនអាចមើលងាយ Man United បានទេនៅដំណាក់កាលនៃរដូវកាលនេះ។ ពួកគេគឺជាក្រុមមួយដែលគំរាមកំហែង ចំពោះការប្រជែងពានរង្វាន់ Premier League របស់ Man City»។
ទោះបីជារដូវកាលរបស់ Man Utd មានការខកចិត្តយ៉ាងខ្លាំងមកទល់ពេលនេះ ប៉ុន្តែអ្វីដែលល្អបំផុតគឺការបញ្ចប់ទីដ៏អស្ចារ្យរបស់ Alejandro Garnacho ទល់នឹង Everton ដែលទាក់ទាញការប្រៀបធៀបទៅនឹងការទាត់របស់ Wayne Rooney ទល់នឹង Man City។
អតីតខ្សែប្រយុទ្ធ Aguero បាននិយាយអំពីការស៊ុតរបស់ Garnacho ថា គ្រាប់បាល់នោះអាចត្រូវក្លាយជាគ្រាប់បាល់ដ៏ល្អបំផុតនៃឆ្នាំ 2023។ គ្រាប់បាល់នោះធ្វើអោយខ្ញុំភ្ញាក់ផ្អើលយ៉ាងខ្លាំង។ វាមិនងាយស្រួលទេដែលអាចរកបានគ្រាប់បាល់បែបនេះ៕
