ក្រុម Manchester City បានធ្វើការហ្វឹកហាត់នៅកីឡាដ្ឋាន King Abdullah Sports City កាលពីយប់ថ្ងៃចន្ទ ខណៈដែលពួកគេត្រៀមខ្លួនសម្រាប់ការប្រកួតវគ្គពាក់កណ្តាលផ្តាច់ព្រ័ត្រ Club World Cup។
កីឡាករ Kevin De Bruyne បានត្រលប់ទៅហ្វឹកហាត់នៅមុនការប្រកួត Club World Cup បន្ទាបពីបានខកខានការបង្ហាញខ្លួនរយៈពេល 4 ខែជាមួយនឹងរបួស ACL។ កីឡាករសញ្ជាតិបែលហ្ស៊ិករូបនេះ បានចូលរួមក្នុងការហ្វឹកហាត់នៅ King Abdullah Sports City កាលពីយប់ថ្ងៃច័ន្ទជាមួយមិត្តរួមក្រុម Man City។
ប៉ុន្តែ Jeremy Doku និង Erling Haaland បានអវត្តមានក្នុងការហ្វឹកហាត់ ហើយអាចនឹងខកខានការប្រកួតវគ្គពាក់កណ្តាលផ្តាច់ព្រ័ត្ររបស់ Man City ទល់នឹង Urawa Red Diamonds នៅថ្ងៃអង្គារ ជាការប្រកួតដែលទំនងជានឹងមកដល់ឆាប់ៗនេះផងដែរសម្រាប់ De Bruyne ។
Man City បានរួមបញ្ចូលកីឡាករវ័យ 32 ឆ្នាំនៅក្នុងក្រុមរបស់ពួកគេសម្រាប់ការប្រកួត Club World Cup ប៉ុន្តែវាត្រូវបានគេរំពឹងថា គាត់បានត្រឹមរួមដំណើរ ខណៈដែលក្រុមមេឃខៀវមានបំណងឈ្នះពានរង្វាន់ទី 5 នៅឆ្នាំ 2023 និងទទួលបានពានរង្វាន់នេះជាលើកដំបូងក្នុងប្រវត្តិសាស្ត្ររបស់ពួកគេ។ គាត់នៅតែមិនអាចលេងបាននោះទេ ប៉ុន្តែការវិលត្រឡប់របស់គាត់ទៅហ្វឹកហាត់គឺជាសញ្ញាវិជ្ជមាន៕
