លោក Mikel Arteta មានការរំភើបជាមួយនឹងការបង្ហាញសមត្ថភាពរបស់ Kai Havertz ចាប់តាំងពីការផ្ទេរនៅរដូវក្តៅពី Chelsea ។
កីឡាករសញ្ជាតិអាឡឺម៉ង់ ដំបូងឡើយបានតស៊ូ ដើម្បីសម្រេចបាននូវការទាមទារ ក្រោមយុទ្ធសាស្ត្ររបស់លោក Arteta ដែលបានព្យាយាមអោយ Havertz លេងក្នុងទម្រង់ជាខ្សែបម្រើស្លាប។ ក្រោយ Havertz អាចសម្របខ្លួនបាន Arteta មានការពេញចិត្តយ៉ាងខ្លាំង ជាមួយនឹងការបង្ហាញសមត្ថភាពរបស់គាត់ ។
Arteta បាននិយាយថា៖ «ខ្ញុំគិតថា Kai លេងបានល្អ គាត់កាន់តែល្អជាងមុន។ នោះហើយជាអ្វីដែលយើងត្រូវការ ខណៈដែលយើងកំពុងបាត់បង់កីឡាករច្រើននៅពេលនេះ»។
បន្ថែមពីនោះ Arteta បាននិយាយពី Gabriel Jesus ថា Jesus មើលទៅពិតជាសកម្មនៅថ្ងៃនេះ ។ គាត់មានការគំនៀបខ្លាំង ហើយមិនមានឱកាសល្អក្នុងការស៊ុតបាល់បញ្ចូលទី។ តែទោះយ៉ាងណាគាត់បានចូលរួមក្នុងសកម្មភាពវិជ្ជមានជាច្រើនសម្រាប់ក្រុមផងដែរ ដូច្នេះខ្ញុំគិតថាគាត់ស្ថិតក្នុងកន្លែងដ៏ល្អមួយ៕
