អ្នកចាត់ការទូទៅរបស់ក្រុមជម្រើសជាតិអង់គ្លេសលោក Gareth Southgate បញ្ជាក់ថាគាត់បានរៀនច្រើនសម្រាប់លទ្ធផលស្មើរទល់នឹងក្រុមជម្រើសជាតិ North Macedonia ។
លោក Southgate បានប្រាប់ BBC ថា៖ «ខ្ញុំគិតថានៅក្នុងការប្រកួតទាំងពីរចុងក្រោយនេះ យើងអាចមើលឃើញគុណភាពរបស់កីឡាករ ក៏ដូចជាការព្យាយាមចង់ឈ្នះរបស់ពួកគេ។ យើងបានរៀនពីការប្រកួតទាំងពីរ ដែលជាអត្ថប្រយោជន៍សម្រាប់ពួកយើង ។ ពិតណាស់ កីឡាកររបស់យើងចង់រកគ្រាប់បាល់អោយបាន ប៉ុន្តែ North Macedonia ពិតជាល្អណាស់នៅទីនេះ»។
ភាពវិជ្ជមានមួយសម្រាប់ Southgate គឺកីឡាករវ័យក្មេង Rico Lewis ដែលបានក្លាយជាកីឡាករក្មេងបំផុតទី 20 របស់អង់គ្លេស ដោយបានបង្ហាញខ្លួនជាលើកដំបូងមួយថ្ងៃមុនថ្ងៃខួបកំណើតអាយុ 19 ឆ្នាំរបស់គាត់ ។
លោក Southgate បានបន្ថែមថា៖ «ខ្ញុំគិតថាគាត់ជាកីឡាករល្អ ។ សមត្ថភាពរបស់គាត់គឺមានភាពលេចធ្លោ ។ គាត់មានភាពក្លាហានជាមួយការគ្រប់គ្រងបាល់»។
គួបញ្ជាក់ផងដែរថា អង់គ្លេសបញ្ចប់យុទ្ធនាការជម្រុះ Euro 2024 របស់ពួកគេ ដោយមិនស្គាល់ពាក្យចាញ់ ហើយការប្រកួតបន្ទាប់ពួកគេត្រូវជួបប្រេស៊ីល និងបែលហ្ស៊ិកក្នុងការប្រកួតមិត្តភាពក្នុងខែមីនា៕
