នាយកផ្នែកកីឡារបស់ក្លឹប Barcelona លោក Deco បានទទូចថាក្លឹបមិនមានបំណងចុះហត្ថលេខាលើនរណាម្នាក់ ក្នុងអំឡុងពេលទីផ្សារដោះដូរកីឡាករខែមករានោះទេ។
ម្ចាស់ជើងឯកអេស្ប៉ាញ បានពង្រឹងជាមួយនឹងការចុះហត្ថលេខាកីឡាករចំនួន 5 នាក់នៅរដូវក្តៅ ប៉ុន្តែដោយសារតែស្ថានភាពហិរញ្ញវត្ថុ ទើបធ្វើអោយពួកគេមិនអាចចុះហត្ថលេខាបានច្រើន។ ដោយបានចំណាយប្រាក់ 3.4 លានអឺរ៉ូក្នុងការនាំយក Oriol Romeu បន្ទាប់ពីទទួលបានភាពជោគជ័យនៅ Girona ខណៈដែលការចុះហត្ថលេខាចំនួន 4 ផ្សេងទៀតមានការផ្ទេរដោយមិនមានតម្លៃខ្លួនចំនួនពីរគឺ Inigo Martinez និង Ilkay Gundogan និងកិច្ចសន្យាខ្ចីចំនួនពីរ Joao Felix ពី Atletico Madrid និង Joao Cancelo ពី Manchester City ។
ទោះជាយ៉ាងណាក៏ដោយ ថ្លែងទៅកាន់ SPORT នាយកកីឡាលោក Deco បានបញ្ជាក់ថា ក្រៅពីការផ្លាស់ប្តូរមុនការព្រមព្រៀងរបស់ Vitor Roque ទៅ Barcelona ក្លឹបមិនមានបំណងចុះហត្ថលេខាណាមួយក្នុងអំឡុងពេលទីផ្សារដោះដូរកីឡាករនាពេលខាងមុខនោះទេ។
គាត់បាននិយាយថា នៅពេលដែលក្រុមមួយត្រូវពង្រឹងឡើងវិញ វាត្រូវមានគោលបំណងពេញមួយរដូវកាល។ ប៉ុន្តែខ្ញុំមិនគិតថា យើងអាចធ្វើការផ្លាស់ប្តូរណាមួយនៅក្នុងខែមករា ដោយក្លឹបមិនគិតពីអ្វីដែលកើតឡើងជាមួយ Roque នោះទេ៕
