ក្លឹប Juventus បានបង្កើតការចំណាប់អារម្មណ៍របស់ពួកគេ លើខ្សែប្រយុទ្ធស្លាបរបស់ក្លឹប Manchester United លើកីឡាករ Jadon Sancho ក្នុងខែមករា។ ខ្សែបម្រើស្លាបរូបនេះ មិនបានលេងឱ្យក្លឹប តាំងពីខែសីហាមកម្ល៉េះ នៅពេលដែលគាត់បានឆ្លើយតបនឹងការលើឡើងរបស់លោក Erik ten Hag បន្ទាប់ពីត្រូវខកខានការប្រកួតជាមួយក្រុម Arsenal។
Sancho បាននិយាយថា Ten Hag ជាមនុស្សកុហក ហើយមិនបង្ហាញការពិតអំពីមូលហេតុដែលគាត់ត្រូវអវត្តមានក្នុងប្រកួតនោះ។ ចាប់តាំងពីពេលនោះមក Sancho ត្រូវបានដកចេញពីក្រុមដំបូងបន្ទាប់ពីបដិសេធមិនសុំទោស ហើយ Man Utd នឹងត្រៀមលក់គាត់ចេញនៅក្នុងខែមករា។
Juventus កំពុងសម្លឹងមើលការពង្រឹងតំបន់ប្រយុទ្ធ ខណៈដែលពួកគេចង់ឈ្នះពាន Serie A យោងតាមអ្នកកាសែតលោក Fabrizio Romano និយាយថាក្លឹបអ៊ីតាលីបានបើកការពិភាក្សាជាមួយ Man Utd ជុំវិញការផ្លាស់ប្តូរ Sancho។ ក្លឹបយក្សអ៊ីតាលីត្រូវបានស្នើសុំឱ្យរក្សាបច្ចុប្បន្នភាពរបស់ Sancho ដោយមានទស្សនៈក្នុងការខ្ចីជើងកីឡាករសញ្ជាតិអង់គ្លេស៕
