កីឡាករ James Maddison បាននិយាយលេងសើចដាក់មិត្តរួមក្រុមអង់គ្លេសកីឡាករ Trent Alexander-Arnold បន្ទាប់ពីមានភាពចម្រូងចម្រាស VAR នៅពីក្រោយការប្រកួតរវាង Tottenham ជាមួយនឹង Liverpool។
ក្រុមមាន់ខ្នាយមាស Spurs បានយកឈ្នះ 2-1 លើក្រុម Liverpool របស់លោក Jurgen Klopp កាលពីថ្ងៃទី 30 ខែកញ្ញា ប៉ុន្តែនៅក្នុងការប្រកួតនោះមានបញ្ហាដែលទាក់ទងនឹងគ្រាប់បាល់របស់ Luis Diaz ដែល VAR បានបង្កើតកំហុស ។ ហើយស្ថាប័នអាជ្ញាកណ្ដាល PGMOL បានទទួលស្គាល់ថានេះកំហុសរបស់មនុស្ស។
នៅថ្ងៃបន្ទាប់ Klopp បានអំពាវនាវឱ្យមានការប្រកួតឡើងវិញ ដោយបានលើកឡើងថា៖ «អ្វីដែលខ្ញុំចង់និយាយ បាល់ទាត់គឺត្រូវតែដោះស្រាយតាមវិធីដ៏ត្រឹមត្រូវ។ ខ្ញុំគិតថាលទ្ធផលតែមួយគត់ ដែលអាចទទួលយកបាន គឺការប្រកួតឡើងវិញ»។
ឥឡូវនេះខ្សែបម្រើចំណូលថ្មីរបស់ក្រុម Spur កីឡាករ Maddison និងខ្សែការពារ Liverpool កីឡាករ Alexander-Arnold បានចូលហ្វឹកហាត់រួមគ្នាជាមួយក្រុមជម្រើសអងគ្លេស នៅកីឡដ្ឋាន St George’s Park ដែលត្រៀមសម្រាប់ការប្រកួតជាមួយអូស្ត្រាលី និងអ៊ីតាលី។
Alexander-Arnold បានបង្ហោះរូបរបស់គាត់ជាមួយ Maddison នៅលើ Instagram ដោយដាក់ចំណងជើងថា «យើងត្រូវតែប្រកួតឡើងវិញ!»
ប្រសិនបើវានឹងកើតឡើងម្តងទៀតលោក Klopp គិតថាការប្រកួតឡើងវិញ គឺជារឿងត្រឹមត្រូវ ដែលត្រូវធ្វើ ហើយអាចអោយអាជ្ញាកណ្តាលមានឱកាស នាំគ្រូបង្វឹកទាំងពីរមកជួបគ្នា ហើយនិយាយថាសុំទោស ដែលយើងបានធ្វើខុសនៅចំពោះមុខអ្នកទាំងពីរផ្ទាល់៕
