បរទេស៖ នេះបើយោងតាមការចេញផ្សាយរបស់ The Sun បានអោយដឹងថាក្លឹប Juventus បានពិចារណាលើការខ្ជិជើងកីឡាករ Sancho។ ក្លឹបយក្សនៅ Serie A មួយនេះ ចង់អោយក្លឹប United ជួយបង់នៅប្រាក់ឈ្នួលពាក់កណ្តាលសម្រាប់កីឡាករ Sancho ដែលមានប្រាក់ពលកម្ម ៣៥០០០០ផោនក្នុងមួយសប្តាហ៍ ហើយក្លឹបនឹងធ្វើការផ្ទេរជាអចិន្ត្រៃយ៍នៅរដូវក្តៅក្រោយជាមួយនឹងតម្លៃ ៦០លានផោន។
ទើបតែ ២រដូវកាលប៉ុណ្ណោះ ក្រោយផ្ទេរមកពីក្លឹប Borussia Dortmund ក្នុងតម្លៃ ៧៣លានផោន ប៉ុន្តែអាជីពរបស់គាត់នៅ Old Trafford ហាក់មិនទទួលជោគជ័យនោះទេ ដោយមិនស្ថិតនៅក្នុងជម្រើសរបស់លោក Erik ten Hag នោះទេ។
កាលពីខែមុនកំឡុងពេល អ្នកគ្រប់គ្រង់សញ្ជាតិហូឡង់រូបនេះដឹកនាំក្រុមទៅកាន់ប្រកួតនៅទឹកដី Arsenal គឺមិនមានឈ្មោះកីឡាករ Sancho នោះទេ ដោយសារតែកីឡាករវ័យ ២៣ឆ្នាំរូបនេះ បង្ហាញនៅទម្រង់លេងមិនល្អនៅពេលហ្វឹកហាត់។ ហើយក្នុងនោះ Sancho ក៏ធ្វើការឆ្លើយតបចំពោះការបញ្ជាក់របស់លោក Erik ten Hag និងធ្វើការបដិសេធផងដែរ៕
