គ្រូបង្វឹកក្រុម Newcastle លោក Eddie Howe បាននិយាយថានេះជាបទពិសោធន៍ដំបូងនៃរាត្រីដ៏ពិសេស បន្ទាប់ពីពួកគេបានយកឈ្នះ Paris Saint-Germain 4-1 ក្នុងការប្រកួត Champions League ដែលជាជ័យជម្នះលើកដំបូងរបស់ពួកគេនៅ St James’ Park ក្នុងរយៈពេល 20 ឆ្នាំ។
គ្រាប់បាល់ 4 គ្រាប់សម្រេចបានដោយកីឡាករ Miguel Almirón, Dan Burn, Sean Longstaff និង Fabian Schär ដែលជួយ Newcastle ឡើងឈរលើកំពូលនៃពូល F ។
ក្រោយបញ្ចប់ការប្រកួត Howe បាននិយាយថា៖ «ខ្ញុំរីករាយជាមួយកីឡាករសម្រាប់អ្វីដែលពួកគេបានផ្តល់ឱ្យនៅយប់នេះ។ វាជាការប្រកួតដ៏លំបាកជាមួយក្រុម PSG ដោយពួកគេក្រុមខ្លាំងនៅតំបន់អឺរ៉ុប»។
«ការស៊ុតបាល់បញ្ចូលទី 4 គ្រាប់ទល់នឹង PSG នៅចំពោះមុខអ្នកគាំទ្ររបស់យើង បានធ្វើឱ្យវាក្លាយជារាត្រីដ៏ពិសេសមួយសម្រាប់ខ្ញុំ។ បរិយាកាសគឺពិសេសណាស់ ខ្ញុំមិនដឹងថាគួរនិយាយបែបណាអោយវាសាកសមទេ»៕
