គ្រូបង្វឹកក្រុម Arsenal លោក Mikel Arteta បានលើកឡើងទាក់ទងនឹង Bukayo Saka បន្ទាប់ពីគាត់ត្រូវបានគេមើលឃើញថាមានភាពធ្លាក់ចុះ កំឡុងពេលឈ្នះ 4-0 លើ Bournemouth ។
តារាឆ្នើមរបស់ក្រុមកាំភ្លើងធំ បានជួបបញ្ហាក្នុងការប្រកួតស្មើ 2-2 កាលពីថ្ងៃអាទិត្យជាមួយក្រុម Tottenham ដោយបានអវត្តមានក្នុងការទទួលជ័យជម្នះ Carabao Cup នៅពាក់កណ្តាលសប្តាហ៍លើក្រុម Brentford។
លោក Arteta បានបង្ហាញនៅក្នុងសន្និសីទសារព័ត៌មាន ក្រោយការប្រកួតរបស់គាត់កាលពីថ្ងៃសុក្រថា កីឡាករសញ្ជាតិអង់គ្លេស មិនបានហ្វឹកហាត់ក្នុងសប្តាហ៍នេះទេ ប៉ុន្តែនៅក្នុងការប្រកួតទល់នឹង Bournemouth គ្រប់គ្នាបានឃើញវត្តមានរបស់គាត់នៅជម្រើសដំបូង។ Saka មិនមានសញ្ញានៃរបួសនោះទេ ខណៈដែលគាត់បានបើកការស៊ុតគ្រាប់ដំបូងនៅនាទី 17។
ប៉ុន្តែនៅក្នុងតង់ទី២ Saka ហាក់ដូចជាមានបញ្ហារបួស មុនពេលគាត់ត្រូវបានប្ដូរចេញនៅនាទី 76 ជំនួសមកវិញដោយ Fabio Vieira។
លោក Arteta បានប្រាប់ BBC ថា៖ «វាគឺជារឿងដ៏អាក្រក់មួយ ដែលយើងបានដាក់កីឡាករដែលមានរបួសអោយចូលលេង ។ ខ្ញុំមិនដឹងថាគាត់មានអារម្មណ៍យ៉ាងណាទេ ខ្ញុំមិនមានឱកាសនិយាយជាមួយគាត់ទេ ប៉ុន្តែសង្ឃឹមថា យើងអាចយកគាត់មកវិញបាន»។
Arteta បានបន្ថែមពេលនិយាយទៅកាន់ Sky Sports ថា៖ «ខ្ញុំគិតថា Gabriel Jesus ផងដែរ គាត់កំពុងមានអារម្មណ៍ថាស្ពឹកដៃ ពេលពួកយើងនៅក្នុងបន្ទប់ស្លៀកពាក់ ។ គាត់បានប្រាប់ខ្ញុំថាគាត់មានអារម្មណ៍ស្ពឹក»។
គួបញ្ជាក់ផងដែរ Arsenal មានការព្រួយបារម្ភពីបញ្ហារបួសជាច្រើនក្នុងសប្តាហ៍នេះដោយ Declan Rice, Saliba និង Vieira សុទ្ធតែមានបញ្ហារបួស៕
