ម្ចាស់ក្លឹប Inter Miami លោក David Beckham និងអតីតមិត្តរួមក្រុម Real Madrid លោក Zinedine Zidane បានជួបគ្នាមុនការប្រកួតកាលពីថ្ងៃពុធ ។
បន្ទាប់ពី Lionel Messi បានអវត្តមានដោយសាររបួសក្រុម Inter Miami បានចាញ់ក្រុម Houston Dynamo ក្នុងវគ្គផ្តាច់ព្រ័ត្រ US Open Cup ។ ទោះជាយ៉ាងណាក៏ដោយ បុគ្គលល្បីនៅតែមកចូលរួមទស្សនា ខណៈដែលម្ចាស់ក្លឹបលោក David Beckham បានស្វាគមន៍អតីតមិត្តរួមក្រុម Real Madrid របស់គាត់ទៅកាន់ទីលានប្រកួត។
Zidane គឺជាបុគ្គលអស្ចារ្យមួយរូប ក្នុងចំណោមបុគ្គលល្បីៗជាច្រើន ដែលមកមើលការប្រកួតរបស់ក្រុម Inter maimi ដោយសារតែវត្តមានរបស់ Messi។ ចាប់តាំងពីការមកដល់របស់កីឡាករសញ្ជាតិអាហ្សង់ទីន មានដូចជាព្រះអង្គម្ចាស់ Harry, Selena Gomez, Will Ferrell, Owen Wilson និង Michael Jordan សុទ្ធតែបានចូលមកទស្សនាផ្ទាល់៕
