គ្រូបង្វឹកក្រុម Real Madrid លោក Carlo Ancelotti បានសរសើរពីភាពវៃឆ្លាតរបស់ Jude Bellingham បន្ទាប់ពីឈ្នះក្រុម Union Berlin ។
កីឡាករជម្រើសជាតិអង់គ្លេសបានស្ថិតក្នុងទីតាំងដ៏ល្អ ក្នុងការស៊ុតបញ្ចូលទីនៅនាទីទី 94 ជាមួយនឹងក្រុមអាល្លឺម៉ង់ក្នុងការប្រកួតបើកឆាក Champions League របស់ពួកគេកាលពីយប់ថ្ងៃពុធ។ នោះគឺជាគ្រាប់ទី 6 របស់គាត់ក្នុង 6 ប្រកួតសម្រាប់ក្លឹបយក្សអេស្ប៉ាញ។ ឥឡូវនេះអ្នកចាត់ការ Ancelotti បានកោតសរសើរចំពោះយុទ្ធសាស្ត្រ និងជំនាញរបស់ខ្សែបម្រើវ័យ 20 ឆ្នាំរូបនេះ បន្ទាប់ពីទទួលជ័យជម្នះ 1-0 នៅកីឡដ្ឋាន Santiago Bernabeu ។
គ្រូបង្វឹកសញ្ជាតិអ៊ីតាលីបាននិយាយទៅកាន់អ្នកសារព័ត៌មានថា៖ «Bellingham ជាកីឡាករមានគុណភាពល្អ ហើយវាមើលទៅដូចជាគាត់មានសំណាងណាស់ ប៉ុន្តែនោះគឺជាភាពវៃឆ្លាតរបស់គាត់។ គាត់ឆ្លាតជាងកីឡាករផ្សេងទៀតនៅពេលវាយលុក។ គាត់ជាកីឡាករម្នាក់ដែលខ្ញុំមិនបានប្រាប់គាត់ច្រើននោះទេ សម្រាប់អ្វីដែលគាត់ត្រូវធ្វើនៅលើទីលាន»៕
