លោក Mikel Arteta បាននិយាយថា Gabriel Martinelli នឹងខកខានការប្រកួតបើកឆាក Champions League របស់ Arsenal ទល់នឹង PSV នៅយប់ថ្ងៃពុធ ប៉ុន្តែអាចត្រលប់មកវិញក្នុងការប្រកួតជាមួយ Tottenham នៅចុងសប្តាហ៍នេះ។
កីឡាករសញ្ជាតិជាតិប្រេស៊ីលត្រូវបានសម្រាក ដោយសាររបួសសរសៃពួរអំឡុងពេល Arsenal យកឈ្នះ 1-0 លើក្រុម Everton នៅកីឡដ្ឋាន Goodison Park កាលពីថ្ងៃអាទិត្យ។
Martinelli បានអវត្តមានក្នុងការហ្វឹកហាត់របស់ Arsenal កាលពីថ្ងៃអង្គារ ខណៈដែលក្រុមរបស់លោក Arteta រៀបចំសម្រាប់ការវិលត្រឡប់របស់ពួកគេក្នុងក្របខ័ណ្ឌ Champions League នៅពេលដែលពួកគេធ្វើជាម្ចាស់ផ្ទះទទួលស្វាគមន៍ក្រុម PSV ក្នុងការប្រកួតដំបូងរបស់ពួកគេក្នុងពូល B នៅថ្ងៃពុធ។
បន្ទាប់មក Arsenal នឹងត្រូវប្រកួតជាមួយក្រុម Tottenham នៅកីឡដ្ឋាន Emirates Stadium សម្រាប់ការប្រកួត North London Derby នៅថ្ងៃអាទិត្យ។
លោក Arteta បាននិយាយនៅពេលគេសួរអំពីស្ថានភាពរបស់ Martinelli គាត់បានបញ្ជាក់ថា៖ «Martinelli មានអារម្មណ៍ថាគាត់ដូចជាមានបញ្ហានៅក្នុងសរសៃពួររបស់គាត់ យើងត្រូវធ្វើតេស្តបន្ថែមទៀត ដើម្បីវាយតម្លៃថាតើរបួសនោះធ្ងន់ ឬស្រាល។ ប៉ុន្តែគាត់នឹងអវត្តមានសម្រាប់ការប្រកួតជាមួយ PSV»។
នៅពេលសួរថាតើ Martinelli មានឱកាសលេងជាមួយ Spurs នៅថ្ងៃអាទិត្យឬអត់ Arteta បានឆ្លើយតបថា៖ «វាអាចទៅរួច យើងមិនទាន់ដឹងច្បាស់នៅឡើយទេ។ យើងត្រូវការការធ្វើតេស្តមួយចំនួនបន្ថែមទៀត ហើយបន្ទាប់មកយើងនឹងដឹងថា មានអ្វីកើតឡើង»។
ខណះពេលនោះគាត់ក៏ត្រូវបានគេសួរថាតើ David Raya នៅតែរក្សាតំណែងដំបូងរបស់គាត់សម្រាប់ការប្រកួតបើកឆាក Champions League របស់ Arsenal ដែរ ឬ ទេ0x017d7
Arteta បាននិយាយថា៖ «ខ្ញុំមិនចង់និយាយអំពីភាពខុសគ្នា រវាងកីឡាករណាម្នាក់ក្នុងក្រុមឡើយ។ កីឡាករគ្រប់រូបមានគុណសម្បត្តិ និងលក្ខណៈខុសៗគ្នា។ កីឡាករទាំងអស់នៅក្នុងក្រុមត្រូវតែបានបង្ហាញសមត្ថភាពរបស់ពួកគេ»៕
