ក្រុម Newcastle បានបំពានច្បាប់របស់ UEFA ដោយអចេតនាលើការរៀបចំការប្រកួត Champions League បន្ទាប់ពីជើងហោះហើររបស់ពួកគេទៅកាន់ទីក្រុង Milan ត្រូវបានពន្យារពេលជាងពីរម៉ោង ដោយសារព្យុះនៅប្រទេសអ៊ីតាលី។
ទោះជាយ៉ាងណាក៏ដោយ ថ្លែងនៅក្នុងសន្និសីទសារព័ត៌មានរបស់គាត់ នៅពេលដែលពួកគេបានមកដល់ដោយសុវត្តិភាពលោក Howe មានការត្រៀមខ្លួនជាស្រេច សម្រាប់ការជួបប្រកួតបើកឆាកដ៏លំបាកជាមួយ Milan ។
គាត់បាននិយាយថា៖ « វាគ្រាន់តែជាផ្នែកមួយ និងផ្នែកនៃការងារដែលយើងធ្វើ ។ វាមិនមែនខុសពីធម្មតាដែលអាចកើតឡើងនោះទេ។ នេះជាបញ្ហាអាកាសធាតុ ប៉ុន្តែយើងធ្លាប់ស្ថិតក្នុងស្ថានភាពបែបនេះច្រើនដងហើយ។ វាមិនមែនជារឿងធំនោះទេសម្រាប់ពួកយើង»។
Newcastle ត្រូវបាន UEFA ពិន័យមិនឱ្យហ្វឹកហាត់នៅ San Siro នៅល្ងាចមុនការប្រកួតជាមួយ AC Milan។ ពួកគេបានប្រព្រឹត្តខុសនៅមាត្រា 73 នៃបទប្បញ្ញត្តិរបស់ UEFA ។
គួបញ្ជាក់ផងដែរ ជើងហោះហើរមួយចំនួនដែលធ្វើដំណើរទៅកាន់ទីក្រុង Milan ត្រូវបានពន្យារពេល ដោយសារភ្លៀងធ្លាក់ខ្លាំង និងមានព្យុះផ្គររន្ទះ៕
