ក្រុម Barcelona នឹងត្រូវប្រកួតបើកឆាក Champions League ជាមួយ Antwerp នៅកីឡដ្ឋាន Estadi Olímpic Lluís Companys នាវេលាម៉ោង ២ រំលងអាត្រាធយប់នេះ ។
ការប្រកួតជាមួយ Antwerp គឺជាការសាកល្បងដ៏សំខាន់មួយសម្រាប់ Barcelona បន្ទាប់ពីការធ្លាក់ចេញពីក្របខ័ណ្ឌ Champions League នៅវគ្គចែកពូលក្នុងរយៈពេលពីររដូវកាលចុងក្រោយ។
Xavi បាននិយាយថា៖ «យើងពិតជារំភើបក្នុងការបោះជំហានទៅមុខនៅឆ្នាំនេះ។ កីឡាករមានការលើកទឹកចិត្ត ពួកគេសប្បាយចិត្តសម្រាប់ការចាប់ផ្ដើមដ៏ល្អក្នុង Laliga យើងត្រូវបន្តធ្វើអោយបានល្អបែបនេះទៀត»។
«យើងមានឱកាសប្រកួតប្រជែងពារង្វាន់អឺរ៉ុប យើងត្រូវតែបង្ហាញវា ថាយើងអាចធ្វើបាន។ នៅប្រកួតបន្ទាប់យើងមិនដឹងថា យើងត្រូវជួបក្រុមខ្លាំងប៉ុណ្ណាទេ ប៉ុន្តែក្នុងពេលនេះយើងត្រូវតែអាចឈានទៅវគ្គ ១៦ ក្រុមចុងក្រោយ»៕
