កីឡាករ Joao Felix គឺជាកីឡាករម្នាក់ដ៏អស្ចារ្យសម្រាប់ Barcelona អំឡុងទីផ្សារដោះដូរកីឡាករនៅរដូវក្តៅ ប៉ុន្តែតើគាត់សុំយកអាវលេខ 10 ចាស់របស់ Lionel Messi ទេ?
កីឡាករសញ្ជាតិព័រទុយហ្គាល់រូបនេះ មិនបានលាក់បាំងការពិតថា វាជាក្តីសុបិនរបស់គាត់ក្នុងការផ្លាស់ទៅ Camp Nou នៅពេលដែលមានការចាប់អារម្មណ៍ពី Barca ជាលើកដំបូង។ ហើយគាត់បានយល់ព្រមជាមួយក្រុមអ្នកមានបុណ្យ ក្នុងលក្ខខណ្ឌរួមបញ្ចូលជាមួយជម្រើសទិញជាអចិន្ត្រៃយ៍។ Barca សង្ឃឹមថា នឹងជួយកីឡាករវ័យ 23 ឆ្នាំឱ្យរកឃើញពីភាពល្អរបស់គាត់ឡើងវិញ ។
ជាមួយនឹងគំនិតនោះ SPORT អះអាងថា Felix នឹងមិនបានពាក់អាវលេខ 10 នៅ Barcelona ហើយក៏មិនត្រូវបានផ្តល់ជូនផងដែរ។ អាវលេខនោះ ត្រូវបានគេព្យួរចោល ក្រោយការខ្ចីជើងរបស់ Ansu Fati ទៅ Brighton។ ទោះយ៉ាងណាក៏ដោយ វានឹងជាប់ទាក់ទងជារៀងរហូតជាមួយនឹងម្ចាស់ពានរង្វាន់ Ballon d’Or ប្រាំពីរសម័យ Messi ។
Felix ចង់គេចពីការប្រៀបធៀបជាមួយអតីតកីឡាករឆ្នើម ហើយចង់បង្ហាញពីតម្លៃរបស់គាត់ដល់អ្នកគាំទ្រ Barca ដោយមិនមានសម្ពាធ បន្ថែមជាមួយនឹងការសម្រេចចិត្តយកលេខ 14 ជំនួសវិញ។ Barcelona សប្បាយចិត្តជាមួយនឹងជម្រើសនោះ ខណៈដែលពួកគេនៅតែសង្ឃឹមថានឹងឃើញ Fati ត្រលប់មកវិញជាមួយសមត្ថភាពល្អ ហើយទុកអាវលេខ 10 សម្រាប់គាត់៕
