ក្រុម Manchester United នឹងចំណាយប្រាក់ 8.5 លានផោនដល់ Fiorentina ដើម្បីយក Amrabat ក្នុងលក្ខខណ្ឌខ្ចីជើង មុនពេលមានជម្រើសក្នុងការផ្ទេរជាអចិន្ត្រៃយ៍នៅរដូវក្តៅក្រោយក្នុងតម្លៃ 21.5 លានផោន ។
ថ្លែងបន្ទាប់ពីការផ្លាស់ទៅ Man Utd កីឡាករ Amrabat បាននិយាយកាលពីដើមសប្តាហ៍នេះថា៖ «ខ្ញុំចង់បង្ហាញខ្លួននៅលើទីលាន ខ្ញុំសន្យាចំពោះអ្នកគាំទ្រ Man Utd ថាខ្ញុំនឹងប្រឹងឱ្យអស់ពីសមត្ថភាពរបស់ខ្ញុំ នៅគ្រប់ការប្រកួតទាំងអស់។ ខ្ញុំពិតជារំភើបណាស់ដែលបាននៅទីនេះ ហើយខ្ញុំសន្យាថា ខ្ញុំនឹងផ្តល់អ្វីគ្រប់យ៉ាងដែលខ្ញុំមាន ដើម្បីជួយក្រុម និងធ្វើឱ្យអ្នកគាំទ្រមានមោទនភាព»។
Amrabat បាននិយាយអំពីអ្នកចាត់ការលោក Ten Hag ថា៖ «នៅពេលខ្ញុំមានអាយុ 18-19 ឆ្នាំ Ten Hag បានផ្តល់ឱកាសឱ្យខ្ញុំលេងក្នុងក្រុមដំបូងជាមួយ Utrecht ។ យើងមានពេលវេលាដ៏អស្ចារ្យជាមួយគ្នា ។ ខ្ញុំបានរៀនច្រើនពីគាត់។ ដូច្នេះប្រហែលជាគាត់គឺជាមនុស្សសំខាន់បំផុតម្នាក់ក្នុងអាជីពរបស់ខ្ញុំ»៕
